La Usc di Ladins

L besegn de tor te man endodanef l percors de evoluzion del Statut de autonomia, en colaborazion col Südtirol, l svilup de la formazion e de la cultura sul tem de l’autonomia travers n Zenter de studies pervedù da la lege de assestament provinzièla e la possibilità per l’autonomia trentina de se renforzèr desche model per i etres teritories, l é vèlch un di argomenc vegnui fora te la zerimonia ofizièla per la Giornèda de l’Autonomia, ai 5 de setember te la sala Depero del Palaz de la Provinzia de Trent.

Tedant a l’autoritèdes locales e nazionèles e ai raprejentanc del mond de la politica, economia, sozietà zivila e religiousa, l president de la Provinzia de Trent Maurizio Fugatti, fajan referiment ai 77 egn dai 5 de setember del 1946, da la sotescrizion de la cordanza Degasperi-Gruber, l à rejonà de »na storia longia, complessa e de suzes che à troà na soluzion de pèsc e de convivenza che aldidanché pel esser de referiment per etres lesc martorié dai conflic. L é emportant per chest che posse nascer a Trent, tera de confin e de idees autonomistiches, n zenter che tole dant a na vida interdisciplinara, interregionèla e internazionèla la autonomies, per smaorèr e califichèr la cultura de l’autonomia.« Fugatti à ence sotlineà l besegn de tor te man endondanef l prozes de evoluzion del Statut. 

De più su La Usc stampèda de vender ai 8 de setember.  (MCI)