La Usc di Ladins

La giornalista fascèna da Cianacei Cecilia Mazzel la é doventèda ai 8 de setember de chest an la caporedatora neva de la redazion ladina de la RAI de Busan.

Aldò de n regolament intern de l’azienda de informazion, i caporedatores no pel restèr en cèria per più che 7 egn. Belapontin Stefan Pescollderungg l era a cef de la redazion dal 2016. Dant da el l era Erwin Frenes, che l é stat prum caporedator canche la redazion ladina la é doventèda autonoma. »Enlouta i me à domanà a mi te tor su chesta incèria e gé é azetà bolentiera chesta indesfida neva« ne à contà Cecilia Mazzel, che sion jic a domanèr fora te chesta ocajion.

Can él che siede ruèda a TRaiL?
Laore per l servije publich de la RAI a Busan dai 6 de messèl del 1988. Inlouta i chieria na persona da Fascia per invièr via la trasmiscions de atualità per la televijion ladina, apede a la trasmiscions  che vegnia jà fat per radio. L era vegnù renovà la convenzion Stat - Rai col aument del temp de trasmiscion con la novità de la pèrt de televijion. Besegnèa partir donca e tor su personal giornalistich e programisć.

De più su La Usc stampèda de vender ai 24 de november.  (Nicoletta Riz)