La Usc di Ladins

Per la pruma outa ence la Val de Fascia, ensema ai etres 4 Comitac de endrez de la garejèdes de Copa del Mond de schi, se à prejentà a la stampa sportiva nazionèla e a l’autoritèdes. En mercol ai 22 de november a Milan a la »Copernico Isola for S32«, ensema a Dolomites Superski, tel chèder del event che Superski à nominà »Noi 5sciamo«, i Comitac de Gherdena, Auta Badia, Cortina, Plan de Corones e Fascia, à metù dant la dates di 5 maores apuntamenc sportives che per Fascia sarà ai 24 e 25 de firé con doi superG de eles su la VolatA sun Sèn Pelegrin.

Per l Comitat Gregn Evenc de Fascia esser prejent al event l é stat na oportunità straordenèra per doi rejons: prum de dut chela promozionèla per fèr cognoscer l teritorie e la carateristiches sportives ma ence per esser apede al Consorzie dai schi più emportant e ai Comitac de val che con sia manifestazions à fat la storia del schi desche Gherdena, Auta Badia, Cortina e Plan de Corones.

Conzec che é stac uzé fora ence da Gianni Rasom, vizepresident del Comitat Gregn Evenc de Fascia che era prejent a la prejentazion a Milan.

Podede lejer dut su La Usc stampèda de vender prum de dezember.  (Monica Cigolla)