La Usc di Ladins

Dotours
Dutor Gherdëina
L dutor de servisc da n sada ai 09.08. dala 08:00 daduman nchin la 08:00 daduman de n lunesc ai 11.08. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Ti comuns de Badia, Corvara y La Val él en sorvisc tla fin dl’edema di 9 y 10 d’agost le dotur Alberto Caretta, Badia, tel. 0471/839706 o 380 3161 999. Sura la festa de Santa Maria dal Ciüf, ai 14 y 15 d’agost, él en sorvisc le dotur Giovanni Crivellaro, La Ila, tel. 348 0014266. Ti comuns de Mareo y San Martin de Tor él en sorvisc sides ai 9 y ai 10, che ai 14 y 15 d’agost, la doturia Stefania Febbraro, Al Plan, tel. 377 3288595.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 08.08. nchin n vënderdi ai 15.08. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/12.30. Turnus: 9.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 8 d’agost dales 19:00 al vën­dres ai 15 d’agost ales 19:00, é chëra d’Al Plan, tel. 0474 501240.

Mostres y Ert
Atualmenter
Operes de Matthias Sieff a Limone
L’à inom »Presenze« l’esposi­zion che l cognosciù artist da Ciampedel Matthias Sieff met fora tel Parco Villa Borghi a Limone sul Garda. Sia cara­teriestiches gran operes restarà fora da poder veder per dut istà, enscin al meis de otober.
Atualmenter
Mostra Genius a Vich
Fin ai 22 de aost te la scoles populères de Vich se pel veder la mostra ‘Genius –Leonardo da Vinci anter èrt e scienza’ endrezèda dai studenc del liceo scientifich e artistich de la Scola Ladina en colabora­zion con l Ecomuseo de la Roggia Mora de Vigevano: de lunesc, mercol e jebia da les 15:00 a les 19:30 e da les 20:00 a les 22:00; de mèrtesc, vender e domenia demò do­mesdì, de sabeda serà.
Atualmënter
Mostra Idea UNIKA 2025
Ntan chësc instà vëniel metù ora la mostra Idea Unika tl zënter de Urtijëi, sun Pana y tl raion da jì a pe de Sëlva, ulache artisć:tes dl luech prejenterà si lëures nchin a mez setëmber.
Atualmënter
Mostra »Le lu é chiló«
Te Ciasa dl parch a Al Plan él da odëi fina al 31 d’otober la mostra »Le lu é chiló«, ola­che al vëgn tematisé le lu che popolëia indô i raiuns dles Alpes, la reaziun dla porsona y co che la presënza dl lu müda nos, nostes contra­des y la manira da tigní tiers.
Atualmënter
Mostra: »Countdown to mass extinction?«
Cina al 31 d’agost él ciamó da odëi tl Museum Ladin Cia­stel de Tor la mostra spe­zia­la »Countdown to mass extinction?«, da odëi tl Mu­seum Ciastel de Tor. La mo­stra se dá jö cun la plü gran estinziun de massa tla storia dla tera, en relaziun cun la crisa climatica d’aldedaincö.
Atualmënter
Mostra de Lois Anvidalfarei
»Cina ai 16 d’agost él da odëi tl Museum dla cité de Tlüses, str. Frag 1, la mostra »Corpus meum« de Lois Anvidalfarei. La mostra é daverta dal mer­tesc ala sabeda dales 9:30 ales 12:00 y dales 15:30 ales 18:00. Domënia y lönesc ésera stlüta.
Atualmënter
Elisa Rungger tl Ciastel de Tor
Cina ai 27 de setëmber él da odëi tl MusLa Ciastel de Tor a San Martin la mostra »Dan­ter­­ite« de Elisa Rungger da Rina. La cerna di laurs metüs fora tol ite operes fora de n spectrum de deplü agn. Insciö pîta la mostra sides elemënc retrospetifs, che na vijiun söles operes da sëgn, sciöche ince na odlada tl svilup arti­stich dl dagní.
Atualmenter
Mostra de Andrea Soraperra
Fin ai 31 de aost, duc i dis da les 16:00 a les 19:00, te sala de Consei de Comun de Cia­nacei se pel veder na mostra de operes del artist Andrea Soraperra.

Iadi y Jites
Atualmënter
Iscrizions: Viac de 5 dis tl Saarland
La grupa KVW de S.Cristina mët inò a jì n viac da d’autonn, chëst iede tl Saarland cun la Region dla Mosel y Luxem­burg, dai 1. al 5 de utober. Per plu nfurmazions y iscri­zions: Emmerich Senoner, 335 5713575.
15.-16.08.
Jita de doi dis ntëur al Confinale
La Lia da Mont Gherdëina mët a jì chësta jita daujin ala grupa Ortler, dai 15 ai 16 de agost. L se trata de na jita mesanmënter ria: de ndut 32 km, cun n deslivel de 1.900 m. La curiera pëia via da Sëlva demez dala 05:30 y fërma damprò ora nchin a Urtijëi. Per se nuté su: whatsapp a Brigitte, 339/4629400 (dai 04 ai 07 de agost), scrijan l inuem y ulache n sënta su. Priesc per cumëmbri: € 120,00 (viac y l durmì tla utia cun mesa pension). Nfurmazions: Ivan al 348 7803397.

Avisc
Atualmenter
Jon a pe… Vegneto?
L Comun de Sèn Jan à abù na bela pissada, ajache jir a pe fasc ben a la sanità, fat de seghit l val l dopie e ensema a autra jent l é ence gustegol. Se se troa vigni mercol da le 9 dadoman te piaz dal Mal­gher, per far n troi sorì che pel far duc, compagné da n volontadif de Sèn Jan. Baste se tor do ciuzè sorii, mingol de aga e la voa de star ben.
Atualmenter
Giramuseo al Museo Ladin
Per dut istà vigni lunesc con scomenz da les 10:00 l staff del Museo Ladin de Fascia endreza Giramuseo, na raida a descorir la esposizions per duta la familia.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5 € per cu­mëmbri dla Lia Gaia.
Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena unirà prejentà n mestier da artejan y l ne mancerà nia ntratenimënt de mujiga.
Uni mierculdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi sarà inò da­viert dai 2 de lugio inant, uni mierculdi, 15:00 - 19:00.
08.08.
Repair Café
La Lia per Natura y Usanzes nvieia al Repair Café ai 8 de agost dala 18:00 nchin la 21:00, tl self dla lies tla Cësa di Cungresc autite, a Urtijëi. L ie na ancunteda ulache n possa se lascé cuncé da esperc y espertes stofs, draps, guanc, aparac eletrics, rodes y bagli y nce lascé fé tai ai curtiei.
08-10.08.
Sègra de Sèn Lorenz a Pera
Insnet, vender ai 8 de aost da les 21:00 te gejia de Pera, do Nicola Ciola prejenta l liber »Scritti mariani« de don Gio­vanni Danilo Cremon. En do­menia ai 10 messa grana da les 10:00 te gejiola de Sèn Lorenz, da les 18:30 messa te gejia parochiala e da sera da les 21:00 defilèda e conzert de la Musega de Poza.
09.08.
Litazion de la Soreghina
Doman, sabeda ai 9 de aost da les 21:00 a La Gran Ciasa de Soraga vegn lità la neva Soreghina de la Marcialonga anter la 6 candidates Sofia Avogadri, Bianca Bottarelli, Pamela Croce, Irene Vinante e la fascènes Stefania Felicetti e Iris Deville. Al event portarà dant sia testimonianza la cam­piona Caterina Carpano e l grop de Circensema farà sia ejibizions de jogolaria.
11.08.
Angelo Rizzoli a Poza
En lunesc ai 11 de aost da les 21:00 te piaz de Comun de Poza per la rassegna ‘Ad alta voce’ l é na scontrèda con Angelo Rizzoli fi de Eleonora Giorgi che conta la storia e la relazions de sia familia anter cinema, memoria e vita vivuda.
11.08.
Don Marco Pozza a Moena
En lunesc ai 11 de aost da les 17:30 te piaz Perle Alpine a Moena tel chèder de Ispira­zions d’istà l é na scontrèda con don Marco Pozza su ‘Le orme di Pietro’ anter la ritajon de Papa Francesch e la neves de Papa Leon XIV.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
11.08.
Aport Ladin
Dales 20:50 ca. N program de Diego Clara, produziun Zak, a cura de Leo Senoner.
12.08.
Cult la crusc significat d en simbol
Dales 20:50 ca. Test y regia Giulia Tasser, produziun Kar­bonvideo, a cura de Alessan­dro Dapunt.
13.08.
Arpejuns – la dlieja de Sëlva y la capela de Val
Dales 20:50 ca. Test y regia Giulia Tasser, produziun Kar­bonvideo, a cura de Alessan­dro Dapunt.

Radio
08.08.
Turism y respunsabltà per nosc bel raion
Cun Max Nagler, diretëur dla sozietà cooperativa turi­stica Alta Badia, vëniel rujenà dl turism n generel, de si ten­dënzes y cunseguenzes, fajan nce n cunfront nce cun l’autra valedes ladines. Ciuna strate­gies vëniel pa metù a jì, co ti vëniel pa jit permez ala nde­sfidedes dl daunì? Trasmiscion de Simon Moroder.
10.08.
Valeria Stuflesser: ert y artejanat tl Ecuador
L’artista Valeria Stuflesser da Digon ie stata mez ann ala­logia tl Ecuador a ziplé. Iló ala mparà a cunëscer for­mes de artejanat scialdi de­frënc, coche la filigrana, filé l stram y fé giuei. Te chësta ntervista contela de si espe­rienza te chësc stato tan rich dal pont d’ududa dl artejanat y dla biodiversità. Trasmiscion de Sofia Stuflesser.

Chino
Atualmenter
Al chino de Pardac
Insnet, vender ai 8 de aost da les 21:15 vegn moscià »Jurassic world« per ingleis, sabeda ai 9 da les 21:15 l é »Quel pazzo venerdì, sempre più pazzo«, domenia ai 10 da les 21:15 l é »Una pallottola spuntata«, lunesc ai 11 da les 17:30 l é »Elio« al priesc de 5 euro e da les 21:15 l é »F1«, jebia ai 14 da les 17:00 l é »I fantastici 4« e vender ai 15 da les 21:15 l é »Io sono nessuno 2«. Info su www.cinemapredazzo.it
Atualmenter
Al chino de Tieser
Insnet, vender ai 8 de aost da les 17:30 l é »Elio« a 5 euro e da les 21:15 l é »Monsieur Blake« a 3,50 euro, sabeda ai 9 da les 17:00 e da les 21:15 l é »I fantastici 4«, domenia ai 10 da les 21:15 l é »Quel pazzo venerdì, sempre più pazzo«, lunesc ai 11 da les 21:15 l é »Fino alle montagne« a 3,50 euro, mèrtesc ai 12 da les 17:00 e da les 21:15 l é »Dragon trai­ner«, mercol ai 13 da les 17:15 l é »Lilo & Stitch« a 5 euro e da les 21:15 l é »Mon­sieur Blake« a 3,50 euro. Info su www.cinema tesero.com

Segres y Festes
09.- 10.08.
Festa da d’instà di Destudafuech de S. Cristina
I Destudafuech de S. Cristina mët a jì la festa da d’instà ai 9 y 10 de agost tl zënter Iman a S. Cristina. La festa scumën­cia n sada dala 18:00. N du­mënia sunerà vel’grupa dala 10:00 inant y dala 16:00 saràl pona la defileda. L ne mancerà nia da maië y da bever.
09. y 10.08.
Al Plan: festa dl paisc
Chësta fin dl’edema ai 9 y 10 d’agost, pro paiun d’Al Plan. La festa mët man la sabeda dales 18:00, cun de vigni sort da mangé y da bëre. Dales 19:00 sona Laura Willeit y Hubert Dorigatti, dales 21:00 »Da piz a ciantun«, dales 23:00 »Cose di Famiglia«. La domë­nia dales 11:00 matinée cun i »Conturines Echo«. Dales 14:30 conzert dla Musiga d’Al Plan, dales 17:00 Platleri Sal­vans y dales 18:00 »I Tirataie«.
14.08
Festa dla nëif a S. Cristina
La Scola de schi y snowboard de S. Cristina mët a jì na sëira de nëif y devertimënt d’instà, tl zënter Iman dala 20:30 inant.
14.–15.08.
Festa dla Gran Santa Maria – Sëlva
N ucajion dla festa dla Gran Santa Maria mët la grupa dla Lies de Sëlva a jì na festa sun plaza de Chemun de Sëlva, n juebia ai 14 de agost dala 18:00 inant. La festa jirà inant n vënderdi ai 15 dala 10:00 inant. N giaperà da maië y da bever, dut sambën cum­panià da de bela mujiga.

Leteratura
Atualmënter
Incuntades cun l’autur tl’Alta Badia
Chisc é i ultims apunta­mënc: 10.08. dales 14:30 cun Mauri­zio de Giovanni, tla Piz Boè Alpine Lounge; ai 12.08. dales 18:00 cun Carlo Cottarelli, te salf dles manife­staziuns o sön paiun a Cor­vara; ai 14.08. dales 18:00 cun Ambra Angiolini, ince te salf o paiun a Corvara.
Atualmënter
N liber - na mont: ancuntedes cun l autëur
Tla Cësa di Cungresc a Urtijëi vëniel metù a jì ancuntedes cun i:la autëures, for dala 17:30: ncuei, 08.08. cun Beppe Severgnini, scritëur de »So­crate, Agata e il futuro. L’arte di invecchiare con filo­sofia«; ai 09.08. cun Mau­rizio De Giovanni, scritëur de »Il pappagallo muto« y ai 11.08. cun Carlo Cottarelli, che à scrit »Senza giri di parole. La verità sulle sfide econo­miche e sociali del nostro futuro«.

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698 343) y Methilde (tel. 335 697 7604).
Atualmënter
Bancarela dl mangé a Badia
La bancarela dl mangé é da­verta vigni secunda jöbia, dales 9:30 ales 10:30. Le pro­scim termin é ai 14 d’agost. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
08.08.
Grupa Deberieda – Grilieda
N se anconta n vënderdi ai 8 de agost dala 12:00 dan la Cësa de Paussa a Urtijëi per fé na bela glilieda y maië n cumpanìa.
08. – 17.08.
Marcé de benefiziënza a La Ila
Ai 08, 09 y 10 d’agost, sciöche ince vigni de dai 12 ai 17, tres dales 15:00 ales 19:00, vëgnel tigní tla Ciasa dla Cultura a La Ila n marcé de benefiziënza. Al vëgn venü cosses fates a man y patüc da mangé fat te ciasa. Döt por daidé na istitu­ziun de benefiziënza tla diozeja de don Andrea tl’Uganda (che vëgn bele tröc agn a daidé fora te nostes cöres.
08. – 17.08.
Marcé sozial Al Plan y San Ciascian
L’Operazione Mato Grosso inviëia dër bel al marcé, olache an ciafa de vigni sort de visti­mënt y drapamëntes de lana de alpaca, fates a man da ëres tles misciuns dl Perù. Le marcé é vigni de cina ai 17 d’agost, te calonia a Al Plan y te calonia a San Cia­scian. Orar: dales 10:00 ales 12:30 y dales 15:30 ales 19:00.

Sport
10.08.
Set Mases a Soraga
En domenia ai 10 de aost la sozietà sportiva 3Esse endreza la corsa a pe Set Mases fora per i mèjes del paisc. I conco­renc ponta via da les 10:00 da Pra del Preve, dal mesdì ma­rena coi Alpins e do pre­miazions.
12.08.
HC Gherdëina vs. Fassa Falcons
Tl stadio Pranives de Sëlva saràl ai 12 de agost dala 20:45 la partida de amezizia danter l HC Gherdëina y i Fassa Falcons.
17.08.
Horse Festival
La scola per ji a ciaval FISE Pozamanigoni nvieia al festival de ciavei, n dumënia ai 17 de agost dala 10:00 inant. L sarà n di de aurela curta, cun de bela mujiga dal vif y desmu­strazions a ciaval.

Mujiga
Atualmenter
Requiem del Canticum Novum
L Ensemble Canticum Novum de Moena e l Ensemble stru­mental de la Scola de musega Il Pentagramma porta dant l Requiem de John Rutter en lunesc ai 11 de aost da les 21:00 te gejia de Moena, en mercol ai 13 te gejia de Cia­valeis e en lunesc ai 18 te gejia de Cianacei.
Uni vënderdi
L sona i corni da mont
Te Val puderàn scuté su uni vënderdi for dala 16:30 inant, n cunzert de corni da mont.
08.08.
Conzert dla Musiga da Rina
Incö vëndres ai 8 d’agost dales 21:00, sön paiun d’Al Plan
09.08.
Long

• 
•  

View the embedded image gallery online at:
https://www.lausc.it/manifestazions-y-evenc/30084-manifestazions-atuales#sigProId9e2ac1c851

River Rock Revolution
En doman sabeda ai 9 d’agost dales 20:00 inant él tl salf »Giovanni Costa« a Lungiarü le festival rock »Long River Rock Revolution«. Al sona les bands »Chasing Rabbits«, »The Füse«, »Überspannung« y »Last Colony«.
09.08.
Giorgia Gungui a La Grenz
Insnet, sabeda ai 9 de aost da les 21:30 a La Grenz a Moena, per la rassegna Fassa Pano­rama Music l é l conzert de Giorgia Gungui, ciantarina, compositora e poetessa na­sciuda a Nuoro.
09.08.
Cunzert dl’Urchestra Sonoton
L’Urchestra Sonoton Gher­dëina, sot ala direzion de Alex Designori, nvieia de cuer al cunzert da d’instà n sada ai 9 de agost dala 20:30 y n dumënia ai 10 de agost dala 18:00 sun plaza de Chemun de Sëlva. Chertes de ntreda ie da giapé pra la cassa da sëira, n sada dala 19:30 y n dumënia dala 17:30 inant. Chertes danora: Facebook o Instagram o tres l codesc QR sun i placac.
13.08.
Popcorner a Ciampedel
En mercol ai 13 de aost da les 21:00 te piaz de Ciampedel conzert col grop de musega ladina Popcorner.
10.08.
Bal populer te Sëlva
I balarins y la balarines dla Grupa Bal Populer de Urtijëi balerà ai 10 de agost dala 21:00 sun Plaza Nives te Sëlva.
10.08.
La Ila: conzert sacral
En domënia ai 10 d’agost dales 21:00 él te dlijia da La Ila n conzert sacral cun Sergio de Pieri al orghe y Andrea Sava ala chitara.
11.08.
Al Plan: conzert sacral
En lönesc ai 11 d’agost dales 21:00 él te dlijia d’Al Plan n conzert sacral cun le »Cali­canthus Concertus« sot la dire­ziun de Raffaella Benori. Al orghe sona Sergio de Pieri.
12.08.
Conzert dla Musiga da San Martin
En mertesc ai 12 d’agost dales 21:00, te palestra d’Antermëia.
12.08.
Cunzert dl Bozen Brass
Sun Plaza de Chemun de Sëlva sunerà l ensemble Bozen Brass n merdi ai 12 de agost dala 21:00.
13.08.
Sëira de Mijiga
Tl Zënter Iman a S. Cristina vëniel metù a jì na bela sëira da d’instà cun mujiga – ujes de ëiles, strumënc a flà y ar­munia: n mierculdi ai 13 de agost dala 21:00 inant.
14.08.
Cunzert dla Mujiga de Urtijëi
La Mujiga de Urtijëi sunerà ai 14 de agost dala 21:00 inant sun Plaza de San Durich.
14.08.
VASCO Tribute
Sun Plaza de Chemun de Sëlva sunerà y cianterà la grupa »Vasco Tribute« mujiga dl ciantarin talian scialdi cu­nesciù. L cunzert sarà ai 14 de agost dala 21:00 inant.
15.08.
»Cunzert de Ferragosto«
Ai 15 de agost dala 21:30 su­nerà l’Urchestra Merano Pop Symphony tl zënter de Urtijëi.
17.08.
Candle Notes – sëira de mujiga tla lum di cëiresc
Sun plaza de Chemun te Sëlva vëniel metù a jì na sëira de mujiga tla lum di cëiresc, n dumënia ai 17 de agost dala 21:00 inant.
17.08.
Matinée de jazz cun la grupa »Revensch«
Tl zënter de Urtijëi saral ai 17 de agost dala 11:00 inant n matinée dedicà ala mujiga jazz, cun la grupa »Revensch«.

Temp Lede
Atualmenter
Circen Dolomites Festival
L é tacà ite la 6^ edizion del Circen Dolomites Festival con spetacoi sa mont e ti paijes duc i dis fin ai 3 de aost con l spetacol finèl a la Festa ta Mont. Chest an novitèdes con l Microcirco a Soraga. Dut l program su www.circen dolomitesfestival.com.
Atualmënter
Cumpré ite da sëira te Sëlva
La butëighes de Sëlva sarà daviertes de mierculdi sëira, dala 21:00 nchin la 22:30: ai 6 y 13 de agost.
Atualmënter
Chino per mutons
Tla biblioteca de San Durich a Urtijëi uniràl mustrà n film per mutons:ans: n lunesc ai 11.08. dala 17:00. L prugram ie da abiné te biblioteca.
Uni lunesc
Kids Night – juesc y devertimënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:30 inant uni lunesc nchin ai 25 de agost.
Uni mierculdi
Sëira de juesc cun la lia Trix
La lia Trix nvieia a de bela sëires de juesc da mëisa, uni mierculdi (nchin ai 13.08.) dala 19:30 inant sun la plaza dan la biblioteca Tresl Gruber a S. Cristina. L sarà da abiné velch per uniun:a!
Uni juebia
»Flying Aperitivo«
La manifestazion unirà fata da juni nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif. Da bur’ tëmp vën la manife­stazion spënta. L ie dase scrì ite nchin al di dant pra la Lia dl Turism de Santa Cristina o diretamënter pra l mplant dla Mont Sëura.
Uni vënderdi
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, for de vënderdi (ora che ai 25.07., 15.08. y 29.08.). Sam­bën ne manceràl nia de bela mujiga.
08.08.
Ilominaziun dl Sassongher
Incö vëndres ai 8 d’agost vë­gnel tigní l’ilominaziun dl Sassongher a Corvara, che vëgn abelida da n conzert dla Müjiga Calfosch/Corvara. La manifestaziun mët man dales 20:45 cun la defilada dla mu­siga fora por paisc.
08. y 14.08.
Al Plan: Marcé da paur
Sön le marcé da paur »Agri­colart« a Al Plan ciafon de vigni sort de produc da nüsc lüsc. Le marcé vëgn tigní incö vëndres ai 8 d’agost dales 16:00 ales 19:00 sön le lüch »Tlò Plazores«, sciöche ince en jöbia ai 14 d’agost dales 10:00 ales 12:30, dan paiun de paisc.
09.08.
La legreza de la schièda
En sabeda ai 9 de aost da les 21:00 te piaz de Ciampedel l é na scontrèda informativa con l menacrep Renato Ber­nard e l enjegner Marino Ca­pelli per rejonèr del dave­gnir del schi anter mudamenc cli­matics e modie de business.
10., 12., y 14.08.
Kidshour – devertimënt por mituns sö alalt
Pro le parch »Movimënt« sön Piz La Ila vëgnel metü a jí vigni mertesc, jöbia y domënia jüc, animaziun y devertimënt por mituns da 5 a 10 agn, dales 13:30 ales 17:00.
10.08.
La Ila: De dl Movimënt
En domënia ai 10 de agost vëgnel tigní le De dl Movi­mënt, tl parch dlungia la sta­ziun a munt dl implant de Piz La Ila. Dales 10:30 inant sarál de vigni sort de animaziun por mituns: clowns, strinëc, musiga... y i mëndri pó ince se lascé depënje sö le müs.
12.08.
Domisdé a Pidrô
En mertesc ai 12 d’agost re­stará les botëghes da Pidrô davertes cina ales 20:00. Bele dales 17:00 inant él les patro­nes che dá fora spezialités arestides y val’ da bëre.
13.08.
Nos Ladins cun Gabriel
Tres l’iniziativa »Nos Ladins« pón descurí deplü sön le monn ladin y sön i mistiers de nosta jënt. En mercui ai 13 de agost pón fá na escurjiun al florí dl sorëdl cun Gabriel, sön Ar­mentara. Al mostra co fá foto­grafies. Iscriziuns online o ti ofizi turistics dl’Alta Badia.
13.08.
Vins alaleria
La linia de degustaziuns de vins de Südtirol tl’Alta Badia vá inant. En mercui ai 13 d’agost dales 14:30 s’incunton sön i pra de Sas Dlacia a San Ciascian. Iló pón ciarcé na seleziun de vins de Südtirol fac a na certa altëza, adöm cun n sommelier.
13.08.
Al Plan: spetacul de magia
En mercui ai 13 d’agost é gragn y pici inviá an spetacul de magia y strinëc. An s’in­cunta dales 21:00 pro paiun d’Al Plan.
14.08.
La Ila: domisdé cun jüc da mësa
Le pulmin di jüc dl »Spiele­verein Dinx« storj pro en jöbia ai 14 d’agost dales 15:30 ales 17:30 a La Ila. Te biblioteca pó pici y gragn passé n do­misdé cun na gran cerna de jüc da mësa. N espert dá consëis y spliga les regoles. Al é ince la poscibilité da s’impresté fora jüc.
14.08.
Badia: devertimënt por mituns
En jöbia ai 14 de agost dales 15:00 pó mitans y mituns da 3 a 12 agn passé n domisdé pro le Summer Park a La Crusc. Cun Rossana y Monica pón imparé deplü sön i mi­nerai y an pó ince pastelné val’ cun les peres. Iscriziuns online o ti ofizi turistics dl’Alta Badia. Al vëgn damané la presënza de n adult.
15.08.
Defileda dla trohtes tradiziuneles te Sëlva
La defileda tradiziunela cun la trohtes, mujiga y bal pëierà via dala 16:00 tla streda Nives, per jì tres la streda Mëisules nchin sun plaza de Chemun de Sëlva.
15.08.
Gran Santa Maria – Urtijëi
La Santa Mëssa per zelebré la Gran Santa Maria, ai 15 de agost, sarà dala 09:00 tla dlieja de San Durich. L unirà benedì craitles de medejina y ciofs, coche da tradizion. Do mëssa saràl la defileda dla trohtes tres l raion da jì a pe nchin sun Plaza de Sant An­tone, cumpanieda dala mujiga dl Trio Ladinia.
19.08.
»Kapla & more« – domesdì de juesc
La biblioteca de San Durich a Urtijëi mët a jì n domesdì de juesc cun »DINX«, n merdi ai 19 de agost dala 15:00 nchin la 18:00. L domesdì ie adatà per mutons y mutans dai trëi ani insù.
19.08.
»Kids Day« a Al Plan
Vigni mertesc cina ai 26 d’agost (adinfora di 12.08.) vë­gnel pité dales 14:00 ales 17:30 pro la »spiaggetta« a Al Plan n domisdé por i mituns cun de vigni sort de staziuns cre­atives, jüc cun l’ega y ince la poscibilité da se fá na roda cun le ciaval. Al é debann y an n’á nia bria da s’anunzié.

Cursc
14.08.
Minicurs de ladin
L Istitut Ladin Micurà de Rü te Sëlva nvieia a na ancunteda cun l lingaz y la cultura ladina, cun l referënt Gabriel Pera­thoner, n juebia ai 14 de agost dala 14:20 nchin la 15:30 tl Istitut. Priesc: 27 €.
18. – 25.08.
Curs de preparaziun al ejam de trilinguism
Organisé dal Sorvisc ai Jogn, dai 18 ai 25 d’agost, dales 19:30 ales 21:00, tl Istitut La­­­din »Micurá de Rü« a San Martin. Le curs é por jones y jogn da 16 a 30 agn. L’iscri­ziun é da fá sön la plata proiec.org – le cost é de 20,00 €.