La Usc di Ladins

Por l’Aiüt Alpinisć Alta Badia él bele le cuarto mort che an mëss tó jö di crëps chësc isté. L’ultim caje é sozedü chësc mertesc ai 5 d’agost domisdé. I socoridus é gnüs cherdá dales 13:45 da n grup de americans, che á pordü n compagn da jí a fá basejumping. Le grup ê pié sö por jí sön Piz da Lech, da chël che ai s’á sciuré jö cuntra val. Por n compagn cinesc de 25 agn ésera indere jüda a finí mal. Al é splundré jö y le corp zënza vita é arsí tla Val de Misdé danter dui ciampanis, a za. 2.000 metri. Por le recuperé, a i socoridus cun le joler dl Aiüt Alpin adoré na corda fissa de 110 metri. Le defunt é gnü condüt jö Calfosch y spo tla capela dai morc a Corvara. Che al palses tla pesc.  (pablo)