La Usc di Ladins

Dai 20 de messé incá él tla Val Badia na doturia de ciasa nöia. Ara se trata dla doturia Jasmine Gabrieli da Reba, che á tut ite le post dla doturia Lodovica Mattioni. Trëi iadi al’edema ésera tl’ambulatore da La Ila (str. Boscdaplan), dui iadi te ambulatore a Al Plan (str. Plazores). Do les scores d’oblianza y les scores altes, á la doturia Gabrieli fat na laurea de neurosciënzes y é spo jüda inant cun i stüdi, olache ara s’á spo laureé dl 2023 te medejina y chirurgia. Denanche rové tla Val Badia, êra doturia de ciasa a Cortina d’Ampez y tl Ciadura, y á tl passé ince fat na esperiënza de plü edemes tl repart de ginecologia de n ospedal da New York.

I un orü imparé a conësce damí la doturia Gabrieli. T’La Usc di Ladins di 8 de agost ciafarëise porchël na intervista, olache ara nes cunta de so tru profescional, dla ligrëza tl laur da doturia de ciasa y de so laur tla Val Badia. Le passaje di paziënc dala doturia Mattioni n’é nia automatich, porchël nes cuntera ince ci che an mëss fá.  (pablo)