La Usc di Ladins

I scrii chësc comentar püch tëmp do che le Stat talian á incundé n aumënt »sensazional« de 1,80€ al mëis sön les ponsiuns minimes, y püc dis do che al é gnü fora la noela scandalosa che le Consëi Regional tl Trentin–Südtirol ó ti straihé ales ciasarines l’adatamënt al’inflaziun de chë tan de pensiun che ares ciafa. En pert fej i politics »dietro front«, mo pormó do che al é sté de gran protestes. Ma por fá dui cunc: do 15 agn de contribuc, y do na vita a ciaré dla familia, röia les ciasarines a na ponsiun de 520,50 € al mëis, scrí Tony Tschenett di sindacac ASGB. Dl ater vers ciafa n politich regional do 5 agn de mandat na ponsiun de 800,00 € – neti. Inscioma: do che na certa politica á bele pordü le contat cun la realté dla jënt, ára ince ciamó pordü la dodanza. (Comentar de Pablo Palfrader)

De plu tla edizion stampeda de La Usc di Ladins o sun l e-paper a paiament www.lausc.it/e-paper