La Usc di Ladins

Chiara Chiocchetti, Valeria Bernardi e Antonio Ballarini l é i trei venjidores de la XIII edizion del pest Caterina De Cia Bellati Canal. En sabeda ai 15 de november te Istitut Cultural Ladin ’Majon di Fascegn’ l é stat endrezà la zerimonia de premiazion che ge à consegnà ai trei partezipanc i prumes trei pesć metui a la leta per chesta edizion. La pruma, descheche à spiegà la diretora del ICL Sabrina Rasom, che vegn endrezèda te Fascia da la Majon di Fascegn che se à tout su con onor chesta gran endesfida. Se trata de n recognosciment anuèl per la enrescida e la produzion scientifica metù su del 2007 dal enjegner Alberto De Cia per recordèr sia femena, la Contessa Caterina De Cia Bellati Canal, glotola e studiousa del lengaz de Timau/Tischlbong. Dal 2007 al 2023 l premie Caterina De Cia Bellati Canal é stat endrezà dal Istitut de Enrescides sozièles e culturèles de Belun, l an passà no l é stat portà dant e chest an, per voler del esecutor testamentarie Emilio Baresani l é ruà te Fascia. L ICL à coordenà l Premie en colaborazion col Istitut Ladin Cesa de Jan de Col, l Istitut Ladin Micurà de Rü de San Martin e l’Università Lëdia de Balsan.

Se pel lejer dut su La Usc nr 45 dai 21 de november, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.

 (Monica Cigolla)