La Usc di Ladins

N juebia dl'ena passeda, ai 20 de nuvëmber, ie i gran mutons y la gran mutans dla scolina Egaburvanada de Santa Cristina jic a Bulsan per festejé l "Di nternaziunel di dërc di mutons". Sun Plaza de Chemun dlongia la laubes iel unì naugurà n monumënt y n ti à nce simbolicamënter dat n inuem nuef ala plaza, che dëssa da śën inant nce vester la "Plaza per i dërc di mutons y dla mutans". L monumënt, sun chël che n possa se senté ju, lecorda la cunvenzion di dërc di mutons dla Nazions Unides metuda sun papier tl 1989. Nchin a al didancuei à 196 paejes firmà la cunvenzion, te chëla che l ie laite 54 articuli che dëssa ti garantì a duc i mëndri y jëuni prutezion, promozion y partezipazion. Danter auter à i mutons y la mutans l dërt de pudëi jì a scola, l dërt de crëscer su sann y nton, l dërt de pudëi fé damat, l dërt de pudëi dì la sia y l dërt de vester defendui dala viulënza.

EK

L articul ntier tla edizion nueva de La Usc di Ladins de n vënderdi ai 28 de nuvëmber.