La Usc di Ladins

Armando Mich, president de la Sociazion Fassa, à tout l post te Consei del Comun General de Fascia lascià vet dal conseier Samuel Lazzer che aea dat ju sia demiscions do esser stat nominà vize ispetor di Studafech de Fascia. La sostituzion é stata aproèda da duc i 22 conseieres a una te la sentèda de Consei General chiamèda ite en mèrtesc ai 9 de jugn. »Per endana te Consei – à dit l procurador Edoardo Felicetti – per dar su le enciarie de Conseier de procura che aea Lazzer sion do che n rejonon.«
L Consei à dapò tout dant doi interogazions portèdes ite da la conseiera del Grop Mescedà Mirella Florian. La pruma aea per argoment l studie ‘Anteveder’ da chel che l é stat elaborà l document ‘L davegnir de Fascia – Vijions de comunanza’. La seconda interogazion enveze à revardà la caserma Vittorio Veneto: la Conseiera Florian à domanà per coluna rejons che l é stat blocà l projet de restruturazion envià via da l’Aministrazion da inant.

Podede lejer dut su La Usc stampèda dai 12 de jugn da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)