La Usc di Ladins

Te la chèrta di servijes de l’APSP de Fascia podon troèr sie obietif prinzipèl: »meton al zenter de noscia atività la persona e chierion de fèr sentir nesc ghesć mingol desche a cèsa sia. Noscia priorità l é mantegnir l’autonomia de la persona che à de besegn de cures e l respet per la degnità de ogneun, conscidron per chest fondamentèl l’empatia per se sintonisèr con la realtà daite de chi che stèsc te chesta strutura.«

Podon aboncont jontèr apede ence n auter obietif, che ti egn l é doventà tant emportant che chi dic dant. Fèr doventèr la Cèsa de Paussa n lech de enconter e de sensibilisazion e aprofondiment de vèlch argoment che a outes l é senester da se tor dant.

I apuntamenc del 2026 de ‘Stèr Apede’ é taché ite ai 22 de setember, te chesta ocajion l é stat rejonà del tem de se tor cura de la persona con demenza. Te la scontrèda dai 27 de otober la dotora Taufer à metù dant l tem del esser semper taché tel fonin. I apuntamenc che vegn sarà ai 24 de november per rejonèr de la sèn e de si mudamenc, soraldut de canche se fèsc fadia a dormir e se se desceida de spes de net, e ai 14 de dezember olache se rejonarà de la memoria leèda a la relazion con chi de cèsa.

De plu tla edizion stampeda de en vender ai 6 de november de La Usc di Ladins o sun l e-paper a paiament www.lausc.it/e-paper 

 (Serena Pederiva)