Ai 7 de merz pón jí cui schi sön les pistes »Gherdenacia« y »Doninz«, ilominades da chentli y füc
En mertesc ai 7 de merz vëgnel metü a jí la manifestaziun »Cun i schi a löm de ciandëra«. Dales 20:00 ales 22:00 podarán jí cun i schi ince da sëra, sön les pistes »Gherdenacia« y »Doninz« a La Ila, che gnará ilominades tres jö da chentli y füc. Les pistes sciöche ince les üties de chësc raiun restará davertes ince da sëra. La manifestaziun é na sëra tl sëgn dla trancuilité y dla natöra tl cör dles Dolomites.
Por la segurëza mëss vigni schiadú avëi na löm da frunt, che an pó scemai s’impresté fora pro l’implant portamunt. Por podëi tó
View the embedded image gallery online at:
https://www.lausc.it/manifestazions-y-evenc/22821-manifestazions-atuales-speziales#sigProIdccda978359
https://www.lausc.it/manifestazions-y-evenc/22821-manifestazions-atuales-speziales#sigProIdccda978359
I proiec da d’isté
Informaziuns importantes por i geniturs che ó scrí ite sü mituns ai proiec da d’isté
Sëgn che les brosciüres dl isté 2023 é finalmënter chiló orunse tó l’ocajiun por informé i geniturs da ajorné i dac de sü mituns/sües mitans sön la plata web www.proiec.org , a na moda da fá jí döt a bun fin, n iade che les iscriziuns ai proiec metará man.
Les dates dla pröma fasa dles iscriziuns é chëstes:
- lönesc ai 6 de merz dales 19:00 inant por le »Isté deboriada« (1a – 4a elementara)
- mertesc ai 7 de merz dales 19:00 inant por le »My summer« (3a mesana – 2a scora alta) y dales 20:00 inant por le »Cool Summer« (5a elementara – 2a mesana). Les iscriziuns messará gní fates online sön www.proiec.org
Cunzert dl Ensemble Desiderio
I Jëuni de Mujiga de Gherdëina nvieia al terzo cunzert de chësta sajon de cunzerc ai 7 de merz dala 20:00 tla Cësa di Cungresc a Urtijëi
L Ensemble Desiderio ie n ensemble da camera jëunn, nasciù te Südtirol. Si cunzerc ne mostra nia mé su i fruc de lëures de proa ntensifs, ma dantaldut la artenienza y la pascion per l suné deberieda, se lascian ite for inò a nterpretazions nueves.
Cualità y ntujiasm fej ora l ensemble, nasciù tl 2017 y metù su da Miriam Kofler (fagot), Agnes Mayr (flaut) y David Fliri (corn). L
View the embedded image gallery online at:
https://www.lausc.it/manifestazions-y-evenc/22821-manifestazions-atuales-speziales#sigProIdccda978359
https://www.lausc.it/manifestazions-y-evenc/22821-manifestazions-atuales-speziales#sigProIdccda978359
Matinée: ert y letures tl Museum
L Museum Gherdëina nvieia a n danmesdì culturel tl mond dl’ert, leteratura y lijëndes cun la scritëura Rut Bernardi, n mierculdi ai 8 de merz dala 10:30 tl Museum a Urtijëi
Sibe tla storia coche nce tl’ert ne n’ie l’ëiles suvënz nia cis unides cunscidredes. N ucajion dl di nternaziunel dl’ëiles ve menerà Rut Bernardi tres l Museum Gherdëina, auzan ora lëures d’ert y tesć letereres de valuta de artistes y scritëures ladines. Nce i ëi ie de cuer nviei!
Da dedò puderàn mo sté deberieda pra n aperitif y tla biblioteca ladina anda Malia da Cudan saràl na mëisa de libri de scritëures ladines.
La ntrede ie debant.
Cunflit: orden–caos. Na mostra culetiva
L Circolo-Lia mostra d’Ert nvieia ala giaurida dla mostra culetiva ai 3 de merz dala 20:30, tla sala dla Lia Mostra d’Ert a Urtijëi
Orden uel dì: dut te si luegia. Orden ie tler, orden nes dà strutura y regules. Caos mët dut sotsëura. Tl cunflit permanënt danter orden y caos adròven
View the embedded image gallery online at:
https://www.lausc.it/manifestazions-y-evenc/22821-manifestazions-atuales-speziales#sigProIdccda978359
https://www.lausc.it/manifestazions-y-evenc/22821-manifestazions-atuales-speziales#sigProIdccda978359
Danterite sunerà Anna Maria Parteli y l sarà nce na performance nterculturela: Anna Valesi y Manuel Piazza.
La mostra resterà davierta dai 4 nchin ai 19 de merz, da merdi nchin dumënia, 17:00-19:00 y de vënderdi y sada, 10:00-12:00 y 17:00-19:00.
Ciacia al tesur sön i schi
En domënia ai 5 de merz gnarál metü a jí por le secundo iade l’evënt »La Marmotta delle Nevi«, che é na ciacia al tesur sön i schi sön les pistes dl’Alta Badia
I partezipanc á le compit da respogne a domandes y stomac che reverda chëstes cinch tematiches: nosta contrada, nosc lingaz, flora y fauna, rezetes ladines y la Gran Risa. Ma sce an é bogn da ciafé fora dötes les soluziuns, davagnarán le trofé y ince de bi pesć. Les iscriziuns, sciöche singul partezipant o sciöche familia, pó gní fates sön la plata internet dl’Alta Badia o diretamënter le de dla manifestaziun dales 9:30 inant pro chisc implanc portamunt: staziun a munt de Piz La Ila y Piz Sorega y staziun a val de Col Alt. Chiló ciafon bele le pröm indize, che é fondamental por ciafé la proscima staziun. Döt le percurs gnará fat sön i schi. La manifestaziun é gnüda reconesciüda sciöche »Green event«, n evënt olache an ciara da ti dé ince na gran importanza ala sostignibilité y al’ecologia. Por tó pert ala manifestaziun adoron le skipass.
Primules per n bon fin
N ucajion dl di dl’ëila vëniel inò metù a jì chësta azion ti luesc de Gherdëina
L’ëiles dla SVP mët a jì la azion dla primules, n mierculdi ai de merz dala 08:30 inant:
- a Urtijëi sun la pitla plaza de S. Antone
- a S. Cristina dan la butëiga da Maciaconi - te Sëlva dan la butëiga Senoner Sartëur
Chël che n trajerà ite unirà dat inant ala “Südtiroler Krebshilfe” per sustenì la tueda contra l crëibes. De gra a duc y dutes bele danora per l sustëni.