La Usc di Ladins

Dotours
Dutor Gherdëina
L dutor de servisc da n sada ai 11.03. dala 08:00 daduman nchin la 08:00 daduman de n lunesc ai 13.03. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Le dotur en sorvisc tla fin dl’edema di 11 y 12 de merz, ti comuns de Badia, Corvara y La Val, é le dotur Guido Caretta, Calfosch/Corvara, tel. 0471 8396870 o 337 616080. Ti comuns de Mareo y San Martin él en sorvisc le dotur Eduard Agreiter, San Martin de Tor, tel. 0474 523315 o 333 1380852.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 10.03. nchin n vënderdi ai 17.03. ie chëla de Sëuc, tel. 0471/708970 (lu-ve 8.30-12.30/15.00-19.00, sada 8.30/12.30. Turnus: 9.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 10 de merz dales 19:00 al vëndres ai 17 de merz ales 19:00, é chëra da La Ila, tel. 0471 847152

Teater
Atualmënter
Lysistrata – n teater da ri a Persenon
La lia »Theater am Vinzen­tinum« nvieia a n teater dla tlasses de maduranza dl 2023, tl Vinzentinum a Persenon. La reprejentazions sarà ai 11.03. dala 20:00, ai 12.03. dala 18:00, ai 17.03. dala 20:00, ai 18.03. dala 20:00 y ai 19.03 dala 14:00. Chertes danora: theater@vinzentinum.it o cherdan su l 376 0294616.

Mujiga
10-12.03
25° Dolomiti Ski Jazz
Vender 10 da les 12:00 al Chalet Valbona (Lujia) i Congiuntivi Defunti e da les 21:00 te Palaz de la Magnifica a Ciavaleis Champian Fulton Trio. Ai 11 al Ciampolin (Bel­vedere) e ai 12 e al Baita Paradiso (S. Pelegrin) da les 12:00 i Float Music; ai 11 da les 15:30 al Dolomites Geyser (Poza) i Venice Ska e da les 21:00 al Palafiemme Fabrizio Bosso Quartet we Wonder.
18.03.
Conzert de la Musega de Moena
En sabeda ai 18 de mèrz da les 21:00 te teater de Navalge la Musega de Moena, sot la bacheta del maester Roberto Silvagni, endreza n conzert con la partezipazion de la balarines de Moena Ginna­stica de Fascia e Fiem e la coreo­­­­grafies de Angelica Iellici.

Mostres y Ert
Atualmënter
Mostra: »Estasa dl udëi«
La mostra tla galaria Vijion a Puntives resterà davierta nchin ai 25 de merz, dal lunesc nchin la sada danter la 16:00 y la 19:00. L sarà da udëi opres di artisć y dla artistes Rabeah Mashinchi, Johannes Bauer, Hermann Nitsch, Cornelia Loch­mann, Andrea M. Varesco, Thaddäus Salcher, Michael Grebner y Rinaudo Nahuel.
Atualmënter
Cunflit: orden – caos.Na mostra culetiva
La mostra tl Circolo-Lia mostra d’Ert resterà davierta nchin ai 19 de merz, da merdi nchin dumënia, 17:00-19:00 y de vënderdi y sada, 10:00-12:00 y 17:00-19:00.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann. Ala bancarela pó s’oje la jënt di comuns de Badia, Corvara y La Val.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finanziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).

Religion
11.03.
Ancuntè Gejù, S. Mëssa per families
L Cunsëi de Pluania de Urtijëi nvieia de cuer duc i jëuni y la jëunes, mutons y mutans, pops, genitoresc, nëinesc y laves ala S. Mëssa dla families n sada , dala 17:00 te dlieja de Urtijëi.
11.03.
Badia: preparaziun dl Bato
I geniturs che á n viadú da batié, pers che aspeta, toc y totes dl Decanat Val Badia, é bel inviá ala preparaziun dl Bato, en sabeda ai 11 de merz dales 15:00 ales 17:00, tla Ciasa J. B. Runcher a Badia. Dedô pice renfrësch arjigné ca dala Uniun dles Ëres de Badia. Prenotaziuns al 334 3200396.

Cursc
13.03.
Curs de ginastica dai 60 ani insù
L KVW Urtijëi mët a ji n curs de pilates per chëi:les sëura i 60 ani. L se trata de ginastica lesiera per renfurzé corp y musculatura. L curs mët man ai 13.03. y va inant per 8 sëires, for de lunesc dala 19:30 nchin la 20:30. La iscrizions vën tëutes su tla Butëiga dl Mond a Urtijëi dai 6 de merz inant. L priesc ie de 60,00 euro.
13.03.
Curs de Pilates
L KVW Urtijëi/Runcadic mët a jì n curs de pilates tla Cësa dla Lies a Runcadic. L curs scumëncia ai 13.03. y va inant per ot iedesc, for de lunesc, dala 19:30 nchin la 20:30. La iscrizions vën tëutes su dai 6 de merz inant tla Butëiga dl Mond. L priesc ie de 60,00 euro.
14.03.
La Pli: Curs de autoproteziun
Le Zënter Families Mareo inviëia ai 14 de merz dales 19:00 ales 22:00 te Ciasa dles Uniuns da La Pli a na sëra sön l’autoproteziun por adulc. Marco Buraschim, capo dla STS–Security y espert dl sport de combatimënt y dla segurëza de porsones, insi­gnará co se defëne instësc, mostran tecniches de libera­ziun y d’ater. Entrada debann, al vëgn perié do na spënora de buna man. Info: Monika al 348 9326779.
17.03.
La Ila: curs da balé
Le Sorvisc ai Jogn Val Badia y la Uniun Bal Popolar Val Badia inviëia bel a n curs da balé valzer, polca, boarisc, fox..., por jogn y düc chi che á ligrëza da balé. Le curs vëgn tigní tl Saj.un; al mët man en vëndres ai 17 de merz y vá inant fina al vëndres ai 28 d’aurí. Prenotaziuns tl Sorvisc ai Jogn al 0474 523070 o ala mail vanessa@jogn.org . Cost: 15,00€ a ce

Chino
Atualmenter
Al chino de Cianacei
Anché, vender ai 10 de mèrz, da les 21:15 l é »Le otto monta­gne«, enveze da les 17:00 se pel veder »Mummie-A spasso nel tempo« che l é en program da la medema ora ence en sabeda ai 11 e en domenia ai 12. Semper en sabeda e domenia 11 e 12, da les 21:15 sarà enveze »L’ultima notte di amore«.
Atualmenter
Al chino de Tieser
Anché, vender ai 10 da les 21:15 l é »Non così vicino«, en sabeda e domenia ai 11 e ai 12 da les 17:15 »Mummie« e da les 21:15 »Creed III«. En mercol ai 15 da les 20:30 »Le otto montagne« e en jebia ai 16 per ‘Il piacere del cinema’: »Io vivo altrove«.
17.03.
»Vampires te Gherdëina«
N ucajion dla Nuet longia dla biblioteches nvieia la biblioteca ladina Anda Malia da Cudan tla Cësa di Ladins a Urtijëi a na sëira de film ai 17 de merz dala 20:30.S un la piedies de Roman Polanski y si film »The Fearless Vampire Killers« sun Mont de Sëuc, uniràl mustrà n documenter de Matthias Höglinger.

Iadi y Jites
30.10.
Cures y palses a Abano Terme
Dai 16 ai 22 d’aurí vëgnel orga­nisé n iade cun le bus a Abano Terme. Al é da s’anun­zié anter le 1. d’aurí pro Monica Costa al 0474 590069 o le 348 9604485.

Avisc
Atualmenter
Ejames de ladin
L Comun General de Fascia met a jir na sescion de ejames de ladin per duc i livie dal A2 al C1. L termin per la iscri­zions va fora ai 24 de mèrz, la domana cogn esser conse­gnèda tel Ofize Servijes Linguistics del CGF o manèda per posta racomanèda col rezepis de paament. Duta la informazions sul sit: www.comungeneraldefascia.tn.it.
Atualmenter
Jeghes da n’outa te Museo de Fascia
La Majon di Fascegn endreza n projet sui jeghes da zacan. Duc chi che à jeghes da n’outa de ogn e sort, o ence retrac o recorc che pel didèr a meter ensema i toc de chesta storia maraveousa, i é envié a chia­mèr ite l Museo Ladin al numer 0462 760182.
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Pigui Experience te Museo Ladin
Te Museo de Fascia a Sèn Jan se pel proèr l nef jech de realtà virtuèla per descorir n melaur ladin da salvèr. L é n »percors da eroes« per persones dai 9 ai 99 egn, se pel l fèr dal lunesc a la sabeda, da les 15:00 a les 19:00. L é da se prenotèr dal sit www.istladin.net o te Museo Ladin al 0462 760182.
Atualmënter
Iscriziuns ala scora de musiga por l’ann ann de scora 2023/2024 – online
Les scores de musiga todësces y ladines deura les iscriziuns por le proscim ann de scora dal 01.03. ai 31.03.2023. Les iscriziuns vëgn fates ince chësc ann online, tres le sorvisc dl’aministraziun provinziala »myCivis« https://civis.bz.it/einschreibung-musikschule. L’azes al sorvisc vá tres SPID, CIE (cherta d’identité eletro­nica) o cun la Cherta di sorvisc ativada. Infos sön www.musik schule.it .
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caje de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Scontrèdes de la careisema
En jebia ai 16 de mèrz te Capela de Vich don Andrea Malfatti rejonarà de »Gaudium et spes. La Costituzione pasto­rale sulla chiesa nel mondo contemporaneo«. Ai 23, 24 e 25 triduo de orazion per i 65 egn da preve de don Erminio e ai 30 da les 20:30 te gejia de Pera don Mattia Vanzo rejonarà de »Sacroanctum Concilium. La Costituzione sulla sacra liturgia.«
10-11.03
Union di Ladins: radunanza e »fac«
Fin de setemèna rich per l’Union di Ladins de Fascia: anché vender ai 10 de mèrz da les 16:30 te Museo Ladin l é la Radunanza generèla col mudament del Statut; en sabeda ai 11 da la medema ora a Cianacei tel B&B Mia Majon (dedant la Scola de schi) vegn prejentà l nef projet artistich/identitèr »fac« col joen artist Ismaele Soraperra.
19.04.
Instà Vif – iscrizions
L proiet per l instà Instà Vif, per mutons y mutans dl 2009–2016, vën metù a ji dai Chemuns de Gherdëina cun cin’ lies (c. articul a pl. 20), dai 26.06. nchin ai 25.08. dala 08:30-12:30 o dala 13:30-17:30. La iscrizions possa unì fates pra uni lia ai 19.04. dala 07:30 inant. Nfurmazions plu avisa sun www.chemun.urtijei.bz.it
27.-29.03.
Pavël: iscrizions
L proiet per l instà Pavël, per mutons y mutans dl 2012–2019, vën metù a ji dal VKE deberieda ai Chemuns, dai 03.07. nchin ai 18.08. dala 07:30–14:30 y un n di nchin la 15:30. La iscrizions possa unì fates tres l portal VKE dai 27.03 nchin ai 29.03. dala 07:00 inant. Nfurmazions plu avisa scrijan a matada@vke.it.

Referac
16.03.
Lungiarü: referat »I valurs dla familia«
La Uniun di Ëi da Lungiarü inviëia a n referat cun siur Tone Fiung, dal titul »I valurs dla familia«. Le referat vëgn tigní en jöbia ai 16 de merz dales 19:30, tl salf dles manife­staziuns da Lungiarü.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
14.03.
Sport ladin
Dales 20:50 ca. Program de Diego Clara y Hartmann Mair­­­hofer, a cura de Leo Senoner.
15.03.
Dolomites Unesco – Bilanz y obietifs por le dagní
Dales 20:50 ca. Les Dolomites é gnüdes tutes sö tla lista dl’ Unesco por sües carateristiches davëi uniches al monn. Chësc tesur vara de consolidé te nosta consapevolëza y la mani­festé spo te nosta vita da vigni de, da le valorisé cun n svilup sostenibl y compatibl cun l’Unesco, por nos, mo danta­döt por les generaziuns dl dagní. Tres ciamó nen vára da ti fá capí ala jënt che la zer­ti­­ficaziun Unesco é na zerti­ficaziun de ezelënza, de unizité, de chëra che düc nos messun ester braui. Program de Karin Pizzinini, a cura de Anna Mazzel.
16.03.
Eie e spieie – Lums e ombries sul patrimonie di fabricac
Dales 20:50 ca. Se volon saer coche sarà l turism da chiò inant te nosc Raion l è empor­tant se domanèr ence colugn che l è i problemes da fèr fora. Te Fascia per se rejona da egn del stravardament del patrimonie di fabricac e de suzescion generazionèla.  Coluna lums e coluna  ombries se pojel pa dintornvìa chest tem? Program de Cinzia Pisto­ia, a cura de Anna Mazzel.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
10.03.
Cuordiné orars dla curiera, na cossa nia da puech!
Dales 19:05. Heinz Dellago de Urtijëi ie chël che se cruzià di orars dl trasport publich y fej a na maniera che la curieres ebe y giape nce for l cunlia­mënt per tëmp y ëura. Ël nes conta coche l ie bon de urganisé dut l muvimënt dla curieres y coche ël vëija la cuestion dl servisc de trasport publich tl dauni. Trasmiscion de Simon Moroder.
11.03.
Les dighes y i rüsc
Dales 19:05. Ci impat á pa les dighes sön i rüsc? Ne é les dighes nia na fontana de ener­gia nëta? Ciodí vëgnel pa, ti ultims agn, tut demez tres plü dighes? Chësc y deplp podarëise aldí tratan la trasmi­sciun. Program de Iris Del Valle.
12.03.
Garejeda de pudejé sun Mont de Pana
Dales 19:05. N dumënia, ai 5 de merz iel stat na garejeda de pudejé dla »Copa Raif­feisen« per atletes y atlec Under 8, 10, 12 , 14 , 16, 18, 20, senior y master. Ndut fovel 240 atlec scric ite y la mani­festazion ie dut ntëur garateda, nce ajache l tëmp fova sarëin defin y la tempera­tures drë a drët. I urganisa­dëures dl Schi Club Gherdëina à giapà truepa laudes dai partezipanc. Trasmiscion de Alex Runggaldier.
15.03.
Tasces de saeres, tasces da saor
Dales 19:05. En mercol ai 8 de mèrz l é vegnù prejentà la neva linea REDO de tasces, prossaches, sciatui e portala­pijes nasciuda col reziclèr i banners del concors »L segna­liber che volesse«. Na scomen­zadiva metuda a jir da la biblioteca de l’Istitut Cultural Ladin »Majon di Fascegn«. En rejonon co la responsabola de la biblioteca Alberta Rossi, program de Anna Mazzel.
16.03.
Radio por mituns pici – Les aventöres de Milia (6)
Dales 19:05. Program de Iris Del Valle.

Temp Lede
Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Da dezëm­ber cina ai 9 d’aurí pón tó pert ala spazirada interativa, olache le travert é da ciafé la parora de soluziun, chirin les lëtres tles staziuns desvalies fora por paisc. Infos y materiai da pié ia ciafon tl ofize turistich da La Val.
14.03.
San Ciascian: domisdé te paisc
Tl zënter da San Ciascian él valgügn eserzizi dl post che dá fora vigni mertesc domisdé val’ da bëre y da mangé. Al ne mancia nia musiga dal ví, dales 16:00 ales 19:00.
15.03.
La Ila: cun i schi da sëra
La pista »Doninz« a La Ila é daverta vigni mercui ince da sëra, dales 20:00 ales 22:00. An adora le schipas de plü dis.
15. y 16.03.
Nos Ladins cun Roberto y Werner
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. Ai 15 de merz dales 9:00 pón jí a se fá na roda cun i schi adöm cun Roberto, pian ia da La Ila; ai 16 de merz dales 16:00 pón descurí le laur sön n lüch dales cioures, adöm cun Werner a La Val. Infos y prenotaziuns ti ofizi turistics dl’Alta Badia o sön www.altabadia.org.
16.03.
Cun la gücia da sëra
En jöbia ai 16 de merz pón se fá na roda cun la gücia da sëra, do le Tru di Artisć anter La Ila y San Ciascian. An pëia da Altin demez dales 20:45 y sön tru podarán amiré les operes de artisć ladins ilo­mi­nades. Prenotaziuns ti ofizi turistics dl’Alta Badia o online.
16.03.
Descurí le monn dl biatlon
En jöbia ai 16 de merz án la poscibilité da imparé les regoles dl biatlon adöm cun n maester. An s’incunta dales 9:00 pro le zënter de paslunch a San Ciascian. Prenotaziuns y informaziuns ti ofizi turistics dl’Alta Badia o sön www.altabadia.org
17.03.
Sëira de juesc da mëisa
N ucajion dla Nuet longia dla biblioteches vëniel metù a ji na sëira de juesc da mëisa per pitli:es y granc:des, n vënderdi ai 17 de merz dala 18:00 tla biblioteca Tresl Gruber a Santa Cristina.
18.03.–26.03.
Rock the Dolomites
Set cunzerc tla uties ntëur Sëlva. N scumencerà n sada ai 18.03. dala 13:00 cun The Killbilly’s pra la utia Saslonch, n dumënia ai 19.03. dala 14:30 sunerà i The Jam’son pra la utia Ciampac. I cunzerc jirà pona inant nce via per l’ena nchin ai 26 de merz: Lucky17 ai 21.03. dala 16:00 pra la utia Pra Valentini, The Giggers ai 22.03. dala 15:00 pra la utia Panorama, Riccardo Inge ai 23.03. dala 14:30 pra la Dantercëpies Mountain Lounge, The Legendary Kid Combo ai 24.03. dala 16:30 pra l Après Ski Bar La Stua y i Temporaneamente ai 26.03. dala 13:00 pra l Salei.

Sport
10-12.03.
Scufoneda
Dai 10 ai 12 de mèrz i Scufon del Cogo endreza la 26^ edizion de la Scufoneda con raides, escurscions, momenc de festa e la neva de chest an che sarà la schièda sul portoi Zirmes e la fradaa coi cheghes de la Valtellina.
24.03.
Trofeo Tita e Marco
En vender ai 24 de mèrz Bela Ladinia endreza la 26^ edizion del »Trofeo Tita e Marco« averta a agonisć (a cobies) e a escurscionić (ence singoi) dal zenter de Vich fin sun Ciampedie. I escurscionisć pea via da les 18:00, i agonisć da les 20:00. Iscrizions su https://keepsporting.com.