L Museum Gherdëina nvieia de cuer al di dla porta davierta n ucajion dl di nternaziunel di museums, n dumënia ai 21 de mei dala 10:00 nchin la 18:00. L argumënt de chëst ann sarà »Museums, sustenibltà y se n sté bën«
Dala 10 danmesdì uniràl fat na pitla raida de doi ëura sun Col de Flam cun l espert Johann Comploj, per mparé a recunëscer ierbes salveres y plantes de medejina. N se anconta dan l Museum.
Dala 14:00 inant puderà mutans y mutons senté ora salata tl verzon dla Cësa di Ladins cun Ujep Runggaldier, che à studià »Ambient y gestion dla ressorses natureles« a Viena y à for abù na gran pascion per la ierbes, craitles y plantes de verzon.
View the embedded image gallery online at:
https://www.lausc.it/manifestazions-y-evenc/23714-manifestazions-atuales-speziales#sigProId0fbba3b5e4
https://www.lausc.it/manifestazions-y-evenc/23714-manifestazions-atuales-speziales#sigProId0fbba3b5e4
For dala 14:00 conta ëiles y ëi dl lëur da paur te Gherdëina y de coche l lëur se à mudà ti ani.
Sëuraprò saràl persones cumpetëntes tla mostra a Vosta despusizion.
La Union di Ladins de Gherdëina fej pea cun na mëisa de libri n con’ dl argumënt »Sustenibltà y se n sté bën« tla biblioteca ladina Anda Malia da Cudan.
Per nfurmazions plu avisa: tel. 0471 797554
Nos por le svilup dl Comun de Badia
Le Comun de Badia mët man cun le prozes de partezipaziun dla popolaziun preodü dal Plann de Svilup Comunal, dé dant dala Lege provinziala söl teritore y contrada. Dötes les zitadines y i zitadins é dër bel inviá da tó pert
Le Plann de Svilup Comunal é na gran oportunité por che nosc Comun pois crësce tl dagní por le bëgn de düc. Cun le Plann de svilup comunal dl raiun y dla contrada él vigni comun che arjigna ca la basa por le svilup di proscims 10–20 agn. Ara nen vá de nosta cualité de vita, dl abité, dl lauré y imparé, dl crësce y gní plü vedli, dles poscibilités da se möie, de mantigní y podëi vire la natöra y la contrada. Danter l’ater vëgnel tla cornisc dl program ince odü dant da tó ite ativamënter la popolaziun locala tl prozes de definiziun dles nezessités, dles ghiranzes y di traverc dl svilup local.
Pröma sëra i 25 de ma
Ai
View the embedded image gallery online at:
https://www.lausc.it/manifestazions-y-evenc/23714-manifestazions-atuales-speziales#sigProId0fbba3b5e4
https://www.lausc.it/manifestazions-y-evenc/23714-manifestazions-atuales-speziales#sigProId0fbba3b5e4
I zitadins y les zitadines conësc bun so paisc y sü debojëgns y les realtés de jogn y vedli, i bojëgns por ci che reverda la formaziun, le tëmp lëde, la mobilité, la sanité, le sozial y ciamó tröp d’ater lapró. So savëi é na bona basa por programé le dagní. La partezipaziun dla jënt n’ó nia dí porté inant ci ch’an s’á tut dant por se instësc – sü interesc personai, mo al ó dí porté inant valch ciaran de döta la comunité y dl bëgn y dles nezessités de düc. Zitadines y zitadins che se dá jö cun so comun, renforzëia diretamënter le svilup cun so impëgn personal y so sëns de responsabilité.
Le dagní é de düc nos – al é nosc dërt y dovëi da tó pert ativamënter, por ti dé na forma che sides sostenibla sozialmënter, ambientalmënter y economicamënter. Le prozes de partezipaziun é na bona ocajiun da anuzé por contribuí a n miú dagní te nosc comun.
I atri termins
- 9 de jügn: workshop »vijiuns dl dagní«;
- Otober: workshop jonil »ComunView the embedded image gallery online at:
https://www.lausc.it/manifestazions-y-evenc/23714-manifestazions-atuales-speziales#sigProId0fbba3b5e4 - 13 de otober: salon de »idees y propostes por le bëgn comun«;
- 24 de novëmber: festa de conclujiun y presentaziun di resultac;
- Tratan döt le prozes sarál meso da partezipé ince sot forma digitala.
Cunzert »Kapelle So&So«
I Jëuni de Mujiga de Gherdëina nvieia a chësc cunzert tla Cësa di Cungresc a Urtijëi, n mierculdi ai 24 de mei dala 20:00
La grupa »Kapelle So&So«, metuda adum da sies ëi dl Oberbayern, se à furmà tl 2016. Do i prim cunzerc àn riesc capì che n con de stil de mujiga à la grupa puech lims: sibe mujiga populera, che nce tlassica o reggae - l vën sunà cie che fej devertì.
Belau duc i pec y la cianties ie cumposizions fates dala grupa nstëssa, cie che fej ora l sound unich y ie saurì da recunëscer.
Tl autonn dl 2017 à la grupa fat si prima tours tres ustaries: nuef dis, nuef cunzerc te nuef ustaries tl Bayern y tl’Austria. Per l gran suzes pra l publich à i »So&So« fat mo doi tours te ustaries, una de ansciuda y una d’autonn dl 2018.
L prugram mpermët n viac faszinënt tres de plu genres de mujiga coche l reggae, la salsa, l rap, l soul o ska, polka, bolzer o nce cianties a capella... y danterite sambën la stories pra banco tla ustaries.
De Internazional di Museums
Ai 21 de ma: tl Museum Ladin Ursus ladinicus a San Ciascian vëgnel pité vijites menades, laboratori creatifs por mitans y mituns y musiga dal ví
En domënia ai 21 de ma vëgnel festejé le »De internazional di museums«. Te chësta ocajiun organisëia la Cooperativa Turistica Alta Badia adöm al Museum Ladin na manifestaziun tl Museum Ladin Ursus ladinicus a San Ciascian. Le program é ponsé por pici y gragn: al vëgn pité vijites menades tl Museum Ladin Ursus ladinicus y trëi laboratori creatifs por mitans y mituns inanter les 15:00 y les 18:00. Alaleria pón se gode n renfrësch, acompagné dala musiga dl duo Laura Willeit y Hubert Dorigatti.
Les döes sëntes dl Museum Ladin – Ursus ladinicus a San Ciascian y Ciastel de Tor a San Martin de Tor – pita l’entrada debann dales 10:00 ales 18:0