La Usc di Ladins

»Fitnesslandia« – altonn 2023
La Uniun Sport La Ila mët a jí chësc altonn n program de cursc cun ativités desvalies te palestra y nodadoia, por pici y gragn
Ginastica t’ega, nodé, balé, yoga, ginastica pre–schi, ativités motories y ginastica funzionala. Döt chësc fej pert dl program »Fitness­landia«, che la US La Ila mët a jí chësc altonn.
I cursc é ponsá por pici y gragn, cun ativités che vëgn desfirades te palestra y ince te nodadoia. Les iscri­ziuns pón fá ma online sön la plata www.uslaila.it sot ala usc »Iscriziun«. Sön la plata ciafon ince informa­ziuns plü menüdes sön i cursc. Por infos y assistënza por les iscriziuns pón scrí a fitness@uslaila.it

Sagra da San Martin
La

• 
•  

View the embedded image gallery online at:
https://www.lausc.it/manifestazions-y-evenc/24990-manifestazions-atuales-speziales#sigProIdc5feb8c2e1

Musiga da San Martin inviëia dër bel düc canc a segra, en chësta domënia ai 24 de setëmber sön plaza de paiun
Le program dla festa pëia ia cun la santa mëssa solëna te dlijia dales 9:30. Do mëssa vëgnel venü crafuns da segra. Dales 10:30 inant él matiné cun liagnes blances y in­tra­­tenimënt musical cun Ingfried, dales 13:30 defilada y con­zert dla Musiga da Rina, dales 18:00 mu­siga da bal cun »Die Kemitna«.
Dl mangé y bëre fistidiëia la Musiga. Al gnará ince organisé en valgügn jüc por mituns.

Dependënza mët man tl’infanzia
»Sucht beginnt im Kindesalter«: referat cun Edmund Senoner dl zënter Bad Bachgart, tl zënter Saj.un a La Ila, en mercui ai 4 d’otober dales 19:30
Por fá festa sciöche al alda, é le trend d’aldedaincö chël de moscedé alcol cun sostanzes sciöche cannabis y cocaina. I jogn proa fora chëstes sostanzes bel canche ai é ciamó tl’infanzia, incër i 10 agn! Le psicologh Edmund Senoner dl zënter terapeutich de Bad Bachgart porvará da respogne a chëstes domandes: ci adora pa mituns y jogn por ne tomé nia tla dependënza? Ciünes é pa les sostanzes plü prigoroses y sce an les moscëda? Olá pó pa porsones atocades, amisc, conoscënc y familiars damané y ciafé aiüt? N testesmone nes cuntará ince de süa esperiënza personala. Ala fin dla sëra pón ciarcé cocktails de vigni sort de corú y saú, arjigná ca zënza alcol dal barist Remy Vollmann. Le referat é por todësch. Iniziativa organisada dal Comité de Raiun Val Badia adöm al’APCAT y al Sorvisc ai Jogn Val Badia. Düc é bel inviá.

»Coche n fej

• 
•  

View the embedded image gallery online at:
https://www.lausc.it/manifestazions-y-evenc/24990-manifestazions-atuales-speziales#sigProIdc5feb8c2e1

la cosses«
L Circolo – Lia Mostra d’Ert Urtijëi nvieia a n spetacul de teater, na cumedia per talian, ai 29 de setëmber dala 20:00 tla Cësa di Cungresc
L se trata de na cumedia per talian dal titul uriginel »Come si fanno ele cose« (regia de Cristina Gianni) cun elemënc de prosa, teater fisich, clowneria, mujiga y cianté, che dura 75 menuc y ie adateda per n publich de granc:des y de sculeies:ées dla scoles mesanes o autes.
L pez ti va permez, tres na storia faszinënta y che tira pea, ala tematica dla realisazion dl sëmi dla vita. Pruta­gunisć ie doi cumpanies y coleghes de lëur che fej ora de jì a rubé »cun fortl«. Nsci uel i doi ti dé na ëuta a si ejistënza: dala vita de lëur te fabrich a na vita a cuntat cun la natura.
La chertes pòssen resservé danora cherdan su l 377 5936350. La ntreda ie a dunfierta liedia.

Festejun i pröms 60 agn!
Chëres y chi dl 1963 dla Val Badia s’incunta por la festa dl ann en sabeda ai 30 de setëmber 2023 pro la Ütia de Maurerberg
Inviá é dötes les nasciüdes y düc i nasciüs dl 1963 dla Val Badia, ince chi che é jüs a vire fora­decá y chi che é gnüs a sté chiló. An s’incunta en sabeda, ai 30 de setëmber 2023, dales 12:00, pro la Ütia de Maurerberg por la benedisciun dl rucsoch (ciarié de bona löna), dales 12:30 él spo na bona marëna. Intrategnimënt musical cun le »Conturines Echo«.
Co se scrí ite?
Paian ite n contribut de 100,00 Euro söl cunt bancar »incuntada dla classe 1963«: IT 84 X 08010 58341 000401418327 pro la Cassa Raiffeisen Val Badia. Sce al resta zoruch val’, ti vëgnel fat na spënora a »La Spona« da Pidrô. Por informaziuns: Loretta + 39 335 1409093 y/o pro Arnold +39 335 6235003.

Culinarium Urtijëi
Na bela esperienza culinaria y gastronomica unirà a s’l dé te de plu restauranc de Urtijëi, dai 24 de setëmber nchin ai 15 de utober
Urtijëi ie cunesciù nce per si gran varietà culinaria. Da dumëniaai 24 de setëmber inant pieterà restauranc da stëiles cëines rafinedes, spëisa tradiziunela de Südtirol o ladina, ma sambën nce nterpretazions de chëstes y cumbinazions cun la spëisa dla Talia, ma nce pizza.
N puderà mé crì ora danter la truepa strutures dl Culinarium Urtijëi. La strutures che fej pea ie: Restaurant Anna Stuben, Restaurant Genziana, Costamula Restaurant, Mauriz Keller, Stua Catores, Restaurant Tubladel, Ustaria Da Checco, Zicoria Brasserie, Restaurant Pizzeria Lamm, Café Restaurant Val d‘Anna.
No ve perdëde chësta ucajion.

Jita por i 70 agn
Por chëres y chi dl 1953 dla Val Badia che se tól dlaurela y á vëia da sté adöm éra indô tan inant: jun en jita en jöbia ai 5 de otober 2023!
Piun ia dales 8:00 da doman a San Martin, la coriera nes condüj cina Toblach, olache i vijitun na ciajara. I tolun le danmisdé y dedô junse a Sanciana, olache al nes aspeta na guida che nes cunta dla storia dl paisc y dla dlijia. Chiló unse l’ocajiun da cianté val’ ciantia y da rengrazié. A marëna junse a Vierschach (Hotel Helm), do marëna junse a Misurina olache i fajarun n retrat de grup. Da Misurina gnunse indô diretamënter tla Val Badia a S.Martin, olache i storjun pro dales 18:00 al Dasser por la cëna cun musiga da bal. Prisc: 130,00 €, da versé cina le lönesc, ai 2 d’otober 2023 söl cunt IBAN  IT 14 D 08010 58830 000304025776, codesc BIC:  RZSBIT21408 pro la Cassa Raiffeisen Val Badia – S.Martin de Tor. I nes confortun da podēi ves saludé y sté adöm! (Le comité de organisaziun)

Mubiltà te Gherdëina
L Zënter de Mubiltà de Gherdëina nvieia duta la populazion a na sëira de nfurmazion n con’ dla mubiltà te Gherdëina, n juebia ai 28 de setëmber dala 20:00 tla sala de Chemun de S. Cristina
Ntan chësta sëira de nfurmazion uniràl prejentà l plann de mubiltà dla Provinzia, l cunzet per smendrì l trafich su per i jëufs dolomitics y sambën nce la prima fasa dl masterplan dla mubiltà per Gherdëina.

Duc ie de cuer nviei a unì a scuté su.