La Usc di Ladins

Dotours
Dutor Gherdëina
L dutor de servisc da n sada ai 14.10. dala 08:00 daduman nchin la 08:00 daduman de n lunesc ai 16.10. ie l dutor Simon Kostner de Sëlva, tel. 347 2297492.
Doturs Val Badia
Tla fin dl’edema di 14 y 15 de otober él en sorvisc ti cin’ comuns dla Val Badia la do­turia Lodovica Mattioni, La Ila, tel. 328 8590842.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n sada ai 14.10. nchin n vënderdi ai 20.10 ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 13 de otober dales 19:00 al vëndres ai 20 de otober ales 19:00, é chëra da Corvara, tel. 0471 830237.

Mujiga
21.10.
Cunzerc dl Cor di Jëuni Gherdëina
L Cor di Jëuni Gherdëina fajerà deplù cunzerc, sot ala bachëta de Samuel Runggal-dier: n sada ai 21 de utober dala 20:00 tla dlieja de Badia y n dumënia ai 22 de utober dala 18:00 tla dlieja de Sëuc.

Mostres y Ert
Atualmënter
»Cie che ne ie mei stat ne sarà mei«
La lia Tublà da Nives nvieia a na mostra de scultures y dessënies dl artist Martin Kargruber, dal titul »Was nia war wird niemels sein«. La mostra ie davierta mo nchin duman, 14.10., dala 16:00 nchin la 19:00.
Atualmënter
»Shop & Art« Urtijëi
L proiet »Shop & Art«, pra chël che 33 artisć:tes de Gherdëina meterà ora si lëures te 33 butëighes tl raion da jì a pe de Urtijëi jirà inant nchin ai 5 de nuvëmber. Na giuria premierà la vedrina plu bela. Sëurapro puderà nce l publich crì ora ciuna vedrina che ti sà la plu bela, dajan ju si stima tres n coupon che n giaperà a cumpré ite te una dla 33 butëighes. Proscimo vënderdi ai 20 de utober uniràl trat ala busca 10 bonns da 100 euro, danter duc i coupons dac ju.
Atualmënter
L cëntejim ann de Adolf Vallazza
La mostra »Cënt ani d’ert«, cun lëures dai ani ‘70 nchin tl 2014 dl artist de 99 ani de Urtjiëi, tl Museum Eccel Kreuzer a Bulsan resterà davierta nchin ai 30.03.2024.
13.10.
»Vernetzt«: mostra de Marlies Baumgartner
L’artista Marlies Baumgartner mët ora si opres tl Circolo-Lia Mostra d’Ert. La giaurida dla mostra ie n vënderdi ai 13 de utober cun na performance dal vif dala 18:00 inant y la giaurida n l medemo di dala 20:00. La mostra ie davierta dai 14 nchin ai 29 de utober uni di ora che de lunesc dala 16:00 nchin la 19:00 y de sada y dumënia nce danmesdì dala 10:00 nchin la 12:00.
20.10.
Anvidalfarei y Eymond
En vëndres ai 20 d’otober dales 18:00 él tla Alessandro Casciaro Art Galery a Balsan la daurida dla mostra »Dialogue« de Lois Anvidal­farei y Sophie Eymond. Te chësta ocajiun gnarál ince presenté le liber artistich »Lois Anvidalfarei. Conditio Humana«. La mostra restará daverta cina ai 25.11.

Avisc
Atualmenter
Enscinuazion ai ejames de Ladin
De november e dezember vegn metù a jir la 2^ sescion del ejam de cognoscenza del lengaz ladin per l an 2023. Podarà tor pèrt a chesta sescion duc chi che à manà o che mana ite la domana dant da les 12:00 de en lunesc ai 16 de otober ai Servijes Lin­guistics del Comun Gene­ral de Fascia. Maor info e formulères sul sit: www.comun generaldefascia.tn.it.
Atualmenter
Corsc de Ladin
La Scola Ladina de Fascia endreza i corsc de ladin. Apede al livel B1/B2 jà tacà, en mèrtesc ai 17 de november pea via l cors de basa A1/A2 e l cors arvanzà B2/C1. I corsc à n cost de 100 euro e i é de­bant per i joegn fin ai 20 egn enciasé te Fascia. Enscinua­zion dant che sie fora i 16 de otober a funzio nariodocenti@scuoladifassa.it, tel. 0462 760340.
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Prejentazion de la lista ‘Fascegn’
I candidac de la lista ‘Fascegn’ se prejenta amò: en lunesc ai 16 de otober te sala de Consei de Comun de Mazin, en mercol ai 18 te sala de Consei de Ciampedel, en jebia ai 19 te sala de Consei de Cianacei, duc i encontres é da les 20:30. La campagna de Fascegn vegn serèda su en vender ai 20 de otober da les 6 da sera lo da la ‘Osteria da Carpano’ a Sèn Jan.
Atualmënter
Petizion per la scunanza dla Grupa de Saslonch
La petizion per la scunanza dla Grupa de Saslonch, cun i Plans de Cunfin y la Zità di Sasc ie śën online sot a: https://www.change.org/savethedolomites-NoscCunfin.
Atualmënter
Orares Museum Gherdëina
L Museum Gherdëina tla Cësa di Ladins a Urtijëi ie daviert dal lunesc nchin al vënderdi dala 10:00 -12:30, 14:00–18:00. Per vijites ora dl orar reguler pòssen cherdé su danora: 0471 797554.
Atualmënter
L’Ofize de »Ëres dëida Ëres«
L’ofize a Bornech é da tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauenhelfenfrauen<br< a="">>bruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Prejentazion de la lista ‘Fassa’
La lista ‘Fassa’ va te la piazes de Fascia: ai 13, 14 e 16 de otober a Poza e Moena; ai 17 e 19 a Cianacei e Ciampedel; ai 18 a Poza e Vich e ai 20 a Moena e Soraga. Ai 16 da les 17:00 te Comun de Poza prejentazion del liber de Fugatti e da les 20:30 te Scola a Moena la lista con Fugatti. Amò i sarà ai 18 da sera a Poza e ai 19 al Chino de Cianacei. La campagna se sera en vender ai 20.
13-19.10
L codejel del respet per l ambient
L Comun General porta dant l nef codejel de ‘Entener per se fèr entener’ dedicà al respet per l ambient: vender ai 13 de otober da les 17:30 te Liceo artistich prejentazion del libret e da les 20:30 te la scoles de Moena sensibilisazion su la moda sostegnibola; ai 19 da les 14:00 te liceo artistich laboratorie creatif coi studenc.
14.10.
Regoeta fer del Grop Freinademetz
En sabeda ai 14 de otober i volontères del Grop miscio­narie Freinademetz e Mato Grosso passa ti paijes da Soraga a Fontanac a tor su fer e metai. Se prea de meter fora la roba jà da doman. Per roba grana o per i etres paijes de Fascia se pel chiamèr l numer 335 5956009.

Cursc
13.10.
Curs de bal
La Grupa Bal Populer de Sëlva y S. Cristina nvieia a unì a purvé y a mparé a balé l walzer, la polka y la »boari-sche«. L curs vën metù a jì for de vënderdi, ai 13, ai 20 y ai 27.10. dala 20:30 tla Cësa de Cultura de Sëlva basite.
18.10.
Trienala Ladina for kids
En mercui ai 18 d’otober dales 15:00 él tl Mu­seum Ladin Ciastel de Tor le laboratore creatif »Trienala Ladina for kids«, por mituns y mitans dai 7 ai 10 agn. Le numer de parte­zipaziun é limité a 15 posć, porchël él da s’anunzié al 0474 524020 o ala mail prenota ziuns@museumladin.it . Cost: 5,00€ a möt/a.

Leteratura
13.10
Forum de descuscion
L ZeLT de Persenon nvieia ncuei, 13.10. dala 15:00 - 18:00 a n forum de descuscion davierta sun l argumënt ciancé leteratura, tl Astra a Persenon. L unirà purtà dant ideies per pité furmazions te chësc ciamp  te Südtirol y n ti cialerà a deplù sortes de furmazion europeiches.

Sport
Atualmënter
Ginastica por le cör
Le »Grup Sportif dl Cör Val Badia« (»Hertzsportgruppe«) á indô metü man süa ativité. La ginastica vëgn tignida vigni lönesc dales 17:45 ales 19:15 tla palestra da San Martin cina jügn ’24. Chisc »Grups Sportifs«é ponsá por porsones che á val’ problems cun le cör. Le cost dl curs por döt le ann é de 190,00 Euro. En presënza de n dotur, y cun n professur spezialisé. Por informaziuns pon telefoné à Renato Paratscha (Coordi­nadú) al 348 7457309.
15.10
Fascia e Gherdena: partida e festa
En domenia ai 15 de otober tel stadie de la giacia Gianni Scola de Dèlba da les 15:00 l é la partida di Fascia Falcons contra l HC Gherdëina. A la fin de la partida duc arà l met de jir su la giacia ensema coi jiadores de la pruma squadra. Vegn dat fora i feres adimprest e en ultima sarà l pasta party per fèr festa adum.
15.10.
FC Gherdeina vs. ASV Salurn
La partida de campiunat de Prumozion contra l Salurn sarà doduman dumenia ai 15 de utober dala dala 15:30 ta Mulin da Coi.
21.10.
HC Gherdëina vs. Rittner Buam SkyAlps
L juech de Alps Hockey League contra i Rittner Buam SkyAlps unirà a s’l dé duman sada ai 21 de utober dala 19:30 tl stadio Pranives te Sëlva.
22.10.
ATP Challenger 80
Dai 22 nchin ai 29 de utober uniràl a s’l dé - tl zënter dal tennis a Runcadic - la 25ejima edizion dl Sparkasse ATP Challenger 80 Val Gardena Südtirol.
Uni juebia
Ancunteda de sauté
I Gherdëina Runners mët a jì na ancunteda cun alenadëur per miuré la tecnica de sauté y per mparé leprò n con’ de chësc sport, uni juebia dala 19:00 nchin la 20:00 sun l ciamp dal sport Mulin da Coi. Dutes y duc ie de cuer nviei:des.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
17.10.
Monumënc y arpejuns – La dlijia y les capeles de San Ciascian
Dales 20:50 ca. La dlijia da San Ciascian é gnüda fata sö tl 1762, olache al ê bele denant na capela. Incër dlijia ia él la cortina, olache al é ince na picera capela che recorda i tomá te vera. Tl 1927 é la dlijia gnüda depënta fora dal artist de Badia Jan Mati Pescoller, che l’á abelida cun pitöres y decoraziuns sön i parëis. Te paisc él n valgünes capeles, sön chëres che la comunité tëgn tröp: la capela de Piceplan, la capela de Costadeoi, la capela de Rü y la capela de Sas Dlacia. N program de Erika Castlunger, camera y tai de Hans Peter Karbon.
18.10.
Trail spezial: Ra Regoles
Dales 20:50 ca. Na gran pert dal teritor ampezan, dantadöt di bosc y dles pastöres, é proprieté coletiva che vëgn amini­strada da Ra Regoles d’Anpezo: ara mëss romagne a desposiziun dla comunité y ne pó nia gní venüda. Da secui incá vëgnera manajada cin l’avalianza de sfrutamënt por les families, zënza comer­zialisaziun y insciö sfrutamënt ezessif. A chësta manira á Ampëz conservé caraterstiches dla contrada ch’an á da vedlmamënter incá. Le pröm corpus de regolamënc con­servé por les Regoles é le »statut ciadorin« dal 1338: chëra de Ra Regoles é na tradiziun de secui. Ra Regoles á ince albü emportanza a livel politich: le parch natural dles Dolomites d’Ampëz é nasciü por orenté dles Regoles y vëgn dötaurela aministré da Ra Regoles. De Mateo Taibon.
19.10.
Monumënc y arpejuns – Le museum paleontologich Rinaldo Zardini
Dales 20:50 ca. Le museum paleontologich a Cortina d’Ampëz é gnü daurí giulan a Rinaldo Zardini, che á ciafé tratan süa vita milesc y milesc de corëc tl teritore ampezan. Te museum pón odëi deplü de 20.000 corëc, che nes cunta la storia dla vita sön la tera y nes fej conësce insciö la gran morvöia dla natüra. N pro­gram de Erika Castlunger, camera y tai de Hans Peter Karbon.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Dai Crëps dl Sela
La trasmiscion »DAI CRËPS DL SELA«ie da audì uni di dala 19:05 ala 19:30 sun la frecuënzes de RAI LADINIA.
16.10.
Jëuni de Mujiga de Gherdëina – la sajon 2023/24
Dales 19:05. Bën 10 ie i cun­zerc sul prugram dla 57ejima sajon di »Jëuni de Mujiga de Gherdëina«che à metù man ai 12 de utober. L Presidënt y i cunseliëres dla lia à, coche uni ann, metù adum n pru­gram cun artisc internaziunei y stii de mujiga desferënc. Aprufundimënt cun Egon Lardschneider, diretëur artistich dla lingia de cunzerc. Program de Leo Senoner.
18.10.
Persones e curiositèdes: Rosa Menardi e Amelia Menardi
Dales 19:05. Anter la persones che à dat trop a la comunanza recordon insnet doi eles de Ampez Rosa Menardi de Vico e Amelia Menardi del Belin. Rosa Menardi apede a aer lurà per passa 20 egn al voca­bolèr ladin ampezan a livel de volontariat la ge tegnìa muie a la tradizions e al guant da zacan desche ence Amelia Menardi Illing che à scrit ence doi libres su la vita e l guant da zacan. Program de Anna Mazzel e Anelise Vian.
19.10.
Na spazirada de vers dla Dlijia da Sacun
Dales 19:05. Spazirede cun me de vers dla Dlijia de San Iacun, n post mistich, plëgn de ert y cultura. N program de Sara Frenner.
Segres y Festes
14. y 15.10.
Segra de düc a La Pli
A La Pli de Mareo en sabeda sëra y en domënia, ai 14 y 15 d’otober. La festa mët man la sabeda sëra: dales 20:30 sona i »fleXibel«. Al sará n shuttle debann danter Al Plan y La Pli. La domënia dales 8:15 santa mëssa, dedô musiga cun »Die Grofnstoana«. Dales 11:00 vëgnel dé fora i pesć dla ola dla fortüna. Ia por le dé sona Arcangelo, la Musiga d’La Pli y »Stefan Santi & Freunde«. Dales 19:00 estra­ziun lotaria.

Sozial
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Se­niores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
20.10.
Jon a Törggelen
La grupa »Deberieda«, na grupa per se ancunté danter persones che à problems psichics o de sozialisazion, nvieia a jì a Törggelen. N se anconta n vënderdi ai 20 de utober dan la Cësa de Paussa a Urtijëi dala 14:00.

Religion
15. – 22.10.
Edema dla Fede tla Val Badia
La Unité Pastorala Val Badia mët a jí dai 15 ai 22 d’otober l’Edema dla Fede, sot al titul »La Bibia - apoteca por l’anima«. L’edema mët man te vigni ploania la domënia cun n de de fede y le lönesc cun n »partí la Bibia«.
17.10.
»Öri dla Bibia - medejina ince por me?«
Pro l’Edema dla Fede él en mertesc ai 17.10. dales 20:00 a Corvara na sëra cun Elisa­beth Oberbacher y siur Ulrich Fistill sot al tema »Öria dla Bibia - medejina ince por me?«
19.10.
Les stories di evangelisć
Pro l’Edema dla Fede tla Val Badia él en jöbia ai 19 d’otober dales 20:00 na sëra cun siur Arnold Stieglmair, dal tema: »Warum erzählen die Evan­gelisten Wundergeschich­ten? (Heilsgeschichten)«. An s’in­cunta tl salf di stödafüch a San Martin de Tor.
20.10.
Sëra dla Bibia
En vëndres ai 20 d’otober él dales 20:00 tla Ciasa Runcher a Badia na sëra dla Bibia cun siur Sepl Granruaz (online) – por jogn y manco jogn.
22.10.
Conclujiun dla Edema dla Fede
L’Edema dla Fede tla Val Badia vá a piz en domënia ai 22 d’otober dales 16:00 cun la mëssa de conclujiun a Oies. Dales 15:15 pëia ia la proze­sciun da Badia demez.

Temp Lede
Atualmënter
Culinarium Urtijëi
Na esperienza culinaria y gastro­nomica patriculera uniràl a s’l dé te de plu restau­ranc de Urtijëi, nchin ai 15 de utober. La strutures che fej pea ie: Restaurant Anna Stuben, Restaurant Genziana, Costamula Restaurant, Mauriz Keller, Stua Catores, Restaurant Tubladel, Ustaria Da Checco, Zicoria Brasserie, Restaurant Pizzeria Lamm, Café Restaurant Val d‘Anna.
20.10.
Premiazion de Shop&Art
A Urtijëi, sun Plaza Stetteneck uniràl trat ora ala busca 10 bonns da 100€ prun per jì a cumpré ite tla butëighes che à fat pea. L apuntamënt ie ai 20 de utober dala 18:00. Chi che à venciù unirà cuntatà persunalmënter.
18.10.
La Val: stories por mitans y mituns
En mercui ai 18 d’otober dales 10:00 ales 11:00 é i mëndri inviá te biblioteca da La Val, olache al vëgn cunté stories por mitans y mituns.
13-14.10.
Simposie Top Wine
Doman, sabeda ai 14 de otober da les 10:00 a les 17:00 sarà la 23^ edizion del prestigious Sim­posie de vins ai 2950 me­tres del Refuge Maria, sun­som l Sas Pordoi. Apede ai vins del Trentin chest an l é ence chi del Venet, con la master­class sui vins de la Valpolicella en vender ai 13 da les 14:00 a les 16:30. Info e prenotazions sul sit valdifassalift.

Chino
Atualmenter
Al chino de Cianacei
En sabeda ai 14 e en domenia ai 15 de otober da les 17:00 l é »Paw Patrol-Il super film« e da les 21: 15 l é »The Crea­tor«. En jebia ai 19 da les 17:00 l é »Me contro te-Vacanze in Transilvania«, che sarà ence en sabeda ai 21:00 semper da les 17:00. En vender ai 20 da les 21:15 l é »Asteroid City«.
Uni vënderdi
Chino te biblioteca
Ncuei vënderdi ai 13 y nce proscimo vënderdi ai 20 de utober dala 20:00 uniràl mustrà films tla Biblioteca San Durich a Urtijëi. L pro­gram di films ie da udëi te biblioteca.