La Usc di Ladins

“… rejona, rejona y no tl desmincé”. Che la rujeneda ie velch de sot, de sentì y che l ie nce te Gherdëina persones a chëles che la ti sta a cuer, àn udù n lunesc de chëst’ena ntan la senteda generela dla Union di Ladins de Gherdëina.
L Cunsëi dla ULG cun a cë la presidënta Sofia Stuflesser, che ne schiva deguna fadia, à prejentà na atività scialdi rica. Tl ann 2025 à la Union di Ladins dat ora de plu publicazions: l liber di Pavëi de Gherdëina, l liber cun rezetes te de plu rujenedes “Nosta spëisa” y sambën, coche uni ann, l Calënder de Gherdëina. L ie unì metù a jì d’uni sort de manifestazions: la prejentazion dl liber de Ingrid Runggaldier n cont di prims viagiadëures tla Dolomites, Erica Senoner ti à da Pasca liet dant na storia ai pitli mutons, la jita via n Ampëz, l domesdì leterer tl verzon dla Cësa di Ladins, la sëira de leteratura y mujiga cun Rut Bernardi, l teater ispirà ai diaresc de Fortunato Favai ntan i ani dla opzion y nia per ultim la prejentazion dl portal ladin cun la mostra tl Tublà da Nives, n gran pruiet che va mo inant y che ne n’ie mo nia stlut ju.

Elisabeth Kostner

L articul va inant tla edizion nueva de La Usc di Ladins de duman vënderdi ai 13 de merz.