La Usc di Ladins

Televijion
11.11.
Cie fluresc pa tlo–Medejina ora dla natura (2)
Dales 20:50 ca. Test y regia Ingrid Demetz, produziun Karbonvideo, a cura de Leo Senoner.

12.11
Natura e ambient
10.000 egn de sostentament – dales 20:50 ca. Test y regia Matilde Gazzini , produziun Pintervideo, a cura de Alessandro Dapunt.

13.11.
Scenar – ert y cultura tla Ladinia
Dales 20:50 ca. Test y regia Silvia Murer, produziun Karbonvideo, a cura de Leo Senoner.
Informazions plu menudes sun i programs de RAI Ladinia pòn giaté sun www.raibz.rai.it – Sun l medem sit pòn vedei i programs TV sot a »Mediateca« y les trasmiscions radio sot a »Podcast«.

Atualmënter
Tg Ladin
Orares dl TG ladin: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv.

Dotor
Dutor Gherdëina
L dutor de servisc da n sada ai 08.11. dala 08:00 daduman nchin la 08:00 daduman de n lunesc ai 10.11. ie l dutor Giuliano Piccoliori, de S. Cristina, tel. 0471 792282 o 348 3301004
Doturs Val Badia
Tla fin dl'edema di 8 y 9 de novëmber él en sorvisc tla Val Badia le dotur Giovanni Crivellaro, La Ila, tel. 348 0014266.

Apoteca
Apoteca Gherdëina
L'apoteca che ie de servisc ora dl orar urdiner de giaurida, da n vënderdi ai 07.11. nchin n vënderdi ai 14.11. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L'apoteca en sorvisc fora dl orar ordinar, dal vëndres ai 7 de novëmber dales 19:00 al vëndres ai 14 de novëmber ales 19:00, é chëra da Corvara, tel. 0471 830237.

Teater
02.11.
»I scioldi é tla banca«
La Uniun Teater La Pli inviëia bel al teater da rí »I scioldi é tla banca«, metü tl ladin da Franz Rigo. Les rapresentaziuns é ciamó ai 08.11 dales 20:00, ai 09.11. dales 15:00, ai 14 y 15.11. dales 20:00, te ciasa dles uniuns. Prenotaziuns al 338 9316650 o ince Whatsapp (dales 17:00 ales 22:00).

Temp Lede
07.11.
Stories de 15 menuc
Tla biblioteca de S. Durich a Urtijëi vëniel liet dant na storia per per mutons, ncuei ai 7.11. dala 15:00.

08.11.
Festa di 40 ani dla NJG
La Nëus Jëuni Gherdëina festejea si 40 ani n sada tla Cësa de Cultura a Urtijëi. L unirà metù a jì n marcià dl guant adurvà dala 9:00 ala 17:00, juesc y ativiteies cun la lies dala 14:00 ala 18:00 y dala 18:30 sunerà i Sunsëida y i Madax.

16.11.
40 ani biblioteca de Sëlva
N dumënia danmesdì ai 16 de nuvëmber festejea la biblioteca de Sëlva »Oswald von Wolkenstein« si 40 ani. La festa scumëncia dala 10:30 tla biblioteca.

13.11.
La Ila: domisdé cun jüc da mësa
Le pulmin di jüc dl »Spieleverein Dinx« storj pro en jöbia ai 13 de novëmber dales 15:30 ales 17:30 a La Ila. Te biblioteca pó pici y gragn passé n domisdé cun na gran cerna de jüc da mësa. N espert dá consëis y spliga les regoles. Al é ince la poscibilité da s'impresté fora jüc.

Chino
Atualmenter
Al chino de Cianacei
Insnet, vender ai 7 e en sabeda ai 8 de november da les 20:30 l é l film »Springsteen Liberami dal nulla«; en domenia da les 17:00 l é film per families e en jebia ai 13 da les 20:00 apuntament coi jeghes da desch »Giokino«. En vender ai 14 da les 20:30 docufilm »Patagonia 1976« su la spedizion de Ciamorces e menacrepes fascegn. En sabeda ai 15 da les 17:00 docufilm »Talis Mater« ambientà sal Vera e en lunesc Per la rassegna »Eco dalle Valli«, stories de vita sa mont, col sostegn del Comun de Sèn Jan, en lunesc ai 17 de november da les 19:00 l é en program »Vermiglio«.

Atualmenter
Al chino de Tieser
Anché, vender ai 7 de november da les 20:30 l é l conzert de gala de la Brass Band Bozen Überetsch e en sabeda ai 8 da les 20:45 la Filodramatica de Tieser porta dant l musical »Oh mamma... che estate!« En domenia ai 9 da les 20:30 l film »Per te« e en jebia ai 13 da les 21:00 per »Il piacere del cinema« l é en program »Springsteen: Liberami dal nulla«.

Atualmënter
Literachino
Ntan l mëns de nuvëmber, for de vënderdi dala 20:00, vëniel mustrà de biei films tla bilblioteca de San Durich a Urtijëi. L proscimo apuntamënt ie ai 14 de nuvëmber. L prugram plu avisa ie da abiné te biblioteca.

Avisc
11.11.
Comun de Badia: sentada cun la popolaziun
L'Aministraziun dl Comun de Badia inviëia ala incuntada cun la popolaziun, en mertesc ai 11 de novëmber dales 20:00, tla Ciasa dla Cultura a La Ila. Al gnará presenté ativités y proiec y al sará ince la poscibilité da fá domandes.

14.11.
Patagonia 1976
I Ciamorces de Fascia e l Comun General de Fascia porta dant en vender ai 14 de november da les 20:30 al Chino Marmolèda de Cianacei l docufilm dal titol »Patagonia 1976«, 50 egn do la spedizion fascèna, con video e testimonianzes.

Atualmenter
Biblioterapia a Cianacei
Te Biblioteca de Cianacei n percors de biblioterapia umanistica vidà da Elisabetta Vanzetta per rejonèr de identità, acort, mudamenc, ensomesc, dejideries e encontres. L é amò cater scontrèdes de 90 menuc da les 17:30 de lunesc: ai 3, 10, 17 e 24 de november. Prenotazion per mail a biblioteca@comune.canazei.tn.it. o WhatsApp al 0462 602382.

Atualmenter
Corsc de bal a cobies
L Comun de Sèn Jan con la sociazion Des Etoiles endreza n cors de bal a cobies per gregn, per sozialisèr e se tegnir en forma: bai da sala, 'liscio' e bai standard vigni jebia fin ai 11 de dezember te palestra de la populères de Vich da les 20:00 a les 21:00. Cost 80 euro, enscinuazions a Des Etoiles, 347 2463577.

Atualmenter
Oraries CRM e CRZ Pera
Dai 3 de november l CRM de Pera l é avert per la desgorta del refudam de cèsa e consentì de lunesc, mercol e vender da les 13:30 a les 17:25 e de mèrtesc, jebia e sabeda da les 8:00 a les 11:55. La utenzes convenzionèdes col Comun General per l CRZ pel ite demò su prenotazion col formulèr. Info al 0462 764500, ambiente@cgf.tn.it e su www.fassambiente.it

Atualmënter
Sostëgn bunorí por families – »Frühe Hilfen« a Picolin
Le sorvisc ti pita ales families, ales umes y ai peri le sostëgn de n grup multiprofescional tratan la gravidanza y do la nasciüda, por prevení che certes situaziuns pois gní massa problematiches. La proscima consulënza te Raiun soziasanitar a Picolin é en vëndres ai 5 de dezëmber dales 8:45 ales 11:30. An pó ince tó n termin al 333 6203945; le numer é atif dal lönesc ala jöbia dales 8:00 ales 12:00 y dales 13:30 ales 16:00

Atualmënter
Picolin: portina por assistënza y cura
La Portina por l'assistënza y cura é daverta trëi iadi al'edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl'alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.

Atualmënter
Iniziativa di ëi de Puster
L'ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it

07.11.
Berlichete te Ciasa de la Moniaria
I Servijes linguistics e culturèi del Comun General de Fascia endreza amò na dì de labratorie creatif 'Berlichete' con Alice Dellantonio de MarameoLab per i bec dal ultim an de scolina fin a la quinta populèra, en vender ai 7 de november da les 15:30 te Ciasa de la Moniaria a Sèn Jan.

Atualmënter
Ciaculon deberieda
Es'a mparà n pue' de ladin ma te stëntes mo a rujené? Ues'a sté n cumpania y ciaculé te n'atmosfera plajiëula? Pona vie n juebia ai 13 y ai 20 de nuvëmber dala 18:00 tla Cësa di Ladins.

Corsc
Nuvëmber
Café dla rujenedes
Tla bibliotech S. Durich a Urtijëi iel ntan l mëns de nuvëmber: de merdi dala 09:30 l café dla rujenedes per franzëus cun Louise y dala 15:00 per spanuel cun Chiara; de mierculdi dala 09:30 per nglëisc cun Jennifer. N possa unì zënza se nuté su danora.

11.11.
Sparagné tëmp cun Excel
Le Consëi de formaziun La Pli mët a jí n curs por imparé da »Sparagné tëmp dan computer cun Excel«, tigní da Alex Daverda. Le curs de 6 incuntades mët man en mertesc ai 11 de novëmber dales 19:30, tl local de informatica dla scora mesana d'Al Plan. Vost: 40,00€ a ce, min. 6 partezipanc. Infos y prenotaziuns pro Alex al 320 7649541.

12.11.
Curs de ginastica por ëres
Sot al titul »Na gota demassa« mët a jí le Consëi de formaziun Badia trëi sëres de informaziun y eserzizi de ginastica por prevenziun cuntra l'incontinënza y l'arbassamënt uterin. Les sëres vëgn tignides da Albina Pescoller, te palestra dla elementara de Badia. Pröm iade ai 12 de novëmber. Infos y iscriziuns pro Margit al 340 3438709.

14.11.
Curs de ultim aiüt
En vëndres ai 14 de novëmber dales 14:00 ales 18:00 él tl gran salf dl Istitut Ladin a San Martin n curs de ultim aiüt, debann y por ladin, tigní dales infermieres dl Raiun Sanitar dla Val Badia. An impara da socodí, da capí y da ti sté dlungia tla dërta manira a porsones che é tl morí. Prenotaziuns i dis da laur al 0474 586128 dales 9:00 ales 16:00. Posć limitá.

15.11.
Lauratuere de ceramica
L Circolo–Lia Mostra d'Ert mët a jì n curs de ceramica per de tei che scumëncia, n sada ai 15 de nuvëmber tl Circolo, cun la dozënta Irina Tavella. Per nfurmazions y iscrizions: 377 5936350. L priesc ie de 90,00 euro (per material, la cueta y la marënda).

21.11.
Imparé da fá ciüfs de scaia
Le Museum Ladin mët a jí n curs cun Maria Erlacher y Hilda Tschaffert, ai 21 y 22 de novëmber. An impara da pastelné ciüfs y flus cun folies fines de scaia o banda, sciöche da vedla tradiziun. Cost: 15,00€ a ce (material lapró), min 8 partezipantes. Prenotaziuns al 0474 524020 o prenotaziuns@museumladin.it

22.11.
La Ila: curs de pröm aiüt
Le KVW La Ila organisëia n curs de pröm aiüt adöm ala Crusc Blancia, en sabeda ai 22 de novëmber dales 14:00 ales 18:00, tla sënta dla Crusc Blancia Alta Badia a La Ila, str. Boscdaplan 101. Le curs é debann por i scric ite ala Crusc Blancia, 40,00€ por i atri. Min. 6 y max. 16 porsones. Prenotaziuns al 328 8662333 anter i 8 de novëmber.

Mostres y Ert
Atualmënter
Nibl n Tiera – Ketty Gobbo
La mostra tl self dla mostres dla Lia Mostra d'Ert ie mo davierta nchin n dumënia ai 9 de nuvëmber; ncuei vënderdi dala 16:00-19:00, n sada y dumënia dala 10:00-12:00 y 16:00-19:00.

Atualmënter
"Audide, audide..."
L Tublà da Nives nvieia ala mostra dl Portal Ladin y dla cianties ladines, metuda a a jì n culaurazion cun la Union di Ladins de Gherdëina. Orares de giaurida: 15.00–18.00. De lunesc iel stlut.

Atualmënter
»Ie, ie n auter«
Tla galaria Vijion a Puntives iel metù ora na mostra coletiva cun fotografies che artisć à fat de sé nstësc. La mostra resterà da udëi nchin ai 22 de nuvëmber, dal lunesc nchin la sada dala 16:00–19:00.

Musiga
15.11.
Conzert di Pentagramma Winds
En sabeda ai 15 de november da les 21:00 al Palafiem de Ciavaleis l é l conzert di Pentagramma Winds, a 10 egn da la pruma ejibizion, con la partezipazion de Marco Braito pruma tromba de l'orchestra nazionèla de la Rai.

Sport
08.11
Turnoi de ping pong de Gherdëina
Duman sada ai 8 de nuvëmber dala 13:00 inant vëniel tl tennis curì te Sëlva metù a jì n turnoi de ping pong per duc y dutes. Per nfurmazions y per se scrì ite pòssen cherdé su l numer de telefonn 340 9269085.

08.11.
HC Gherdëina vs. Adler Stadtwerke Kitzbühel
Tl stadio Pranives de Sëlva saràl ai 8 de nuvëmber dala 19:30 la partida dl campiunat AHL (Alps Hockey League) danter l HC Gherdëina y i Adler Stadtwerke Kitzbühel.

Referac
07.11.
La Dolomites, da ulà vënieles pa?
Tla Pitla sala dla Cësa di Cungresc a Urtijëi mët la Lia da Mont a jì na sëira de nfurmazion cun l gheologh Corrado Morelli, ncuei vënderdi ai 7 de nuvëmber dala 19:30. Ntreda ie debant.

11. y 13.11.
Edemes de formaziun: referac online
Le Sorvisc ai Jogn Val Badia organisëia les Edemes de Formaziun. I ultims dui referac vëgn pitá online, sön Zoom: ai 11.11. dales 19:00 ales 20:00 le referat »Plantes medejinales por l'apoteca de ciasa«; ai 13.11. dales 19:00 ales 21:00 le referat »Saugt das Smartphone unsere Kinder ein?«. Le link por tó pert y deplü infos ciafon sön www.jogn.org o sön i profils social dl Sorvisc ai Jogn.

18.11.
Prejentazion dl liber "Zeig's mir Baby"
Maria Lobis, ëifoma y mami de cater mutons, rejona n con' dla tematica »spëisa che n dà leprò« (Beikost). La prejentazion sarà n merdi, ai 18 de nuvëmber dala 10:00 tla biblioteca de San Durich a Urtijëi.

Sozial
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.

Atualmenter
Portel de scout mediazion familia
L Comun General de Fascia con ALFID Onlus à avert n portel de scout, orientament e mediazion familiara per la relazions te cèsa. L é avert a duc e debant a Sèn Jan te Strada di Pré de Lejia 12 su apuntament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.

10. – 17.11.
Nadé te na scatora dai cialzá
Ince chësc ann vëgnel metü a jí l'aziun »Nadé tla scatora dai cialzá«, por ti porté n pü' de ligrëza a mituns y mitans de paisc manco fortuná. Tla Val Badia pón dé jö i poc dai 10 ai 17 de novëmber a La Ila, pro Alma Flatscher (Garni Ambria), tel. 333 6769105.

Atualmënter
»Club Boé«
Le grup de autoaiüt »Club Boé« por problems de alcol o d'atres dependënzes s'incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Methilde (tel. 335 6977604).

Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30. Le proscim termin é ai 20 de novëmber. Al vëgn dé fora da mangé a dötes les porsones dla Val Badia che á debojëgn.

Atualmënter
Ciamena dal guant a La Ila
La Ciamena dal guant por mituns »Neores« a La Ila é daverta vigni vëndres dales 14:00 ales 15:30, te local sura i stödafüch a La Ila Alta.

07.11.
Jopa de cucia de coco cun Rita
La grupa Deberieda se anconta ncuei, vënderdi ai 7 de nuvëmber, dala 14:00 dan la Cësa de Paussa a Urtijëi per jì deberieda dal Saut a cujiné na jopa cun Rita y a s'la ciaculé cun l cuech cunesciù Norbert Kostner. »Deberieda« ie na grupa che mët a jì ancuntedes danter ulenteres y persones che à problems psichics o de sozialisazion.

10.11.
La menopausa–na ndesfida o na puscibltà nueva?
L Kvw de S. Cristina mët a jì na sëira cun Ruth Niederkofler n cont dla menopausa n lunesc ai 10.11 dala 20:00 tla sala Raiffeisen dl Chemun de S. Cristina. Duc ie nviei a unì a scuté su.

15.11.
Abineda de roba da maië per chi che à debujën
N sada ai 15 de nuvëmber vëniel tla butëiga »Conad-Maciaconi« te Sëlva abinà adum roba da maië per i pueresc. La azion vën metuda a jì dala Crëusc Cuecena y dala grupa Caritas de S. Cristina. Nce mé na pitla dunfierta de nudli, riji o auter possa vester de gran aiut.

10.–17.11.
Nadel te na scatula dai ciauzei
Nce chëst ann vëniel metù a jì l'azion per ti purté mpue de legrëza a mutons de paejes pueresc. N possa dé ju i pachetli dai 10 nchin ai 17 nuvëmber tla trëi biblioteches de Gherdëina, ulache l ie nce da garat scatules uetes per chi che ne n'ëssa nia una adateda.

Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).