La Usc di Ladins

Tla cornisc dl Venosta Festival tl Vinschgau, él en chësc ann ince gnü metü a jí la pröma ediziun dl concurs "Südtirol Talent", che s’ojô a ciantarines y ciantarins da 10 a 16 agn. Le gran final é gnü desfiré en vëndres ai 19 de jügn, tla bela culissa dla picia cité de Glurns, y la davagnadëssa á inom... Noemi Verginer. La jonina de 12 agn da San Martin á podü brancé do le bel trofé cun le ciampaní dl Reschen, do che ara â porté dant süa rapresentaziun demorvëia dla ciantia "Creep" dl grup inglesc "Radiohead". Sön paladina, dan da apresciapüch 3.000 ascutadus, ára lascé florí deplëgn i corusc y les tonalités de süa usc, descedan l’entusiasm y l’emoziun tla juria y tl publich. Noemi ê la plü jona de dötes y öna dles 7 finalistes che á mostré so talënt chësta sëra, do che al ê bele gnü fat na pre–seleziun danfora. Y cianté áres rodunt dan le conzert de Alvaro Soler, un di ciantauturs che á bele lascé bate n valgügn cörs plü dassënn.

T’La Usc di Ladins di 3 de messé podëise lí deplü, danterater ince na picia intervista ala ciantarina instëssa.  (pablo)