La Usc di Ladins

»Marmolèda, l fià de la Reina« l é una de la neva proponetes che l Museo Geologich de la Dolomites de Pardac met dant per chest istà. Anter esperienzes, laboratories, vijites vidèdes e auter l é passa 120 i apuntamenc che l é stat endrezà per envièr gregn e picoi, ghesć e jent del post, a cognoscer la storia geologica e ambientala de nosc raion a na vida scientifica ma ence gustegola, lijiera e enteressanta.
Tel program, che vegn inaudà ai 3 de messèl, la Marmolèda à n post zentrèl. Dai 4 de messèl se podarà fèr na esperienza de imerscion travers na instalazion che dèsc l met de scutèr i sons touc su diretamenter sul giacé, la ousc de noscia Reina che palesa con n arfièr senester l destin segnà dal mudament climatich.
Apede a chest no mencia ben segur evenc che dèsc manco cruzie... siede envié a tor pèrt a la inaudazion en vender ai 3 de messèl da les 5 domesdì.

Podede lejer dut su La Usc stampèda dai 26 de jugn da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (LG)