La Usc di Ladins

Marcialonga chier la neva Soreghina e sarà la numer 25. Dal 2002 a aldidanché les é states 24 la ambasciadores che se à metù la fascia de Soreghina e les à didà a scriver na piata emportanta de la storia de Marcialonga e a uzèr fora i valores de sport, teritorie e volontariat che da semper caraterisea la manifestazion.
Con la Marcialonga Cycling Craft stata de mé se à serà su l’esperienza de Pamela Croce, ambasciadora te chest ultim an. Con sia gaissa e sia pascion sportiva Pamela à sapù interpretèr l ruol de la ‘Fia del Soreie’ col viver i evenc Marcialonga e col compagnèr atlec, organisadores e volontères endèna duta na sajon piena e rica de emozions.
Ades l é temp de vardèr inant. En domenia ai 2 de aost da les 21:00 tel Teater del Zenter Polifunzional de Ciastel vegnarà lità la neva Soreghina 2027, tel cedean di 25 egn de chesta fegura.
Cheles che é enteressèdes pel vardèr sul sit de Marcialonga e manèr la domana con sie curriculum vitae o na letra de prejentazion a la mail barbara.vanzo@marcialonga.it.



Podede lejer dut su La Usc stampèda dai 26 de jugn da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)