La Usc di Ladins

La se à serà su con l’ultima gran tapa sun Col Margherita la 25^ edizion de la Val de Fascia Running, la garejèda de corsa a pe fora per i paijes de Fascia, a chela che à tout pèrt 170 concorenc. Anter ic l é stat l atlet da Belun Italo Cassol che à vent duta 5 la tapes e coscita ence l zircuit per la seconda outa a do a do. Anter eles enveze l’ultima tapa é stata venta da Giulia Delgado da Treviso ma te la classifica generèla l é Sarah L’Epee da Torin che à desmostrà de esser la miora per gestir la forzes sun duta 5 la tapes e coscita se meter dintorn al col la medaa de venjidora per l secondo an.

L é stat n gran suzes: per 5 dis, dai 21 ai 26 de jugn, de gra al gran numer de volontadives, l staff de endrez con a cef l diretor de gara Diego Salvador e l diretor di Gregn Evenc Cristoforo Debertol, à podù sporjer 5 tapes de gran enteres e partezipazion.


Podede lejer dut su La Usc stampèda dai 3 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)  (Monica Cigolla)