La Usc di Ladins

Dotours
Dutor Gherdëina
L dutor de servisc dala 08:00 de n sada ai 10.10. nchin la 08:00 daduman de n lunesc ai 12.10. ie l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia
Tla fin dl’edema di 10 y 11 de otober, sarál en sorvisc ti cin’ comuns dla Val Badia le dotur Alberto Caretta, Badia, tel. 0471 839706 o 380 3161999.

Apoteches
Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 9 d’otober dales 19:00 al vëndres ai 16 d’otober ales 19:00, é chëra da Corvara, tel. 0471 830237.
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 09.10. nchin n vënderdi ai 16.10. ie chëla de Urtijëi, tel. 0471/796125 (orar de giaurida 9:00-12:00/15:00-19:00).

Temp Lede
Atualmënter
Culinarium Urtijëi
Na esperienza culinaria y ga­stronomica particulera uni­ràl a s’l dé te de plu restauranc de Urtijëi, nchin ai 11 de uto­ber. La strutures che fej pea ie: Restaurant Genziana, Costa­­­­mula Restaurant, Stua Catores, Anna Stuben, Ustaria Da Checco, Restaurant Mont Sëuc, Restaurant Tubladel, 4 Sajons Restaurant, Stube Vives, Ustaria Traube, Café Restaurant Val d’Anna, Re­staurant Pizzeria Lamm y Zicoria Brasserie.
09.10.
Impresciuns dal’Africa
Le Consëi de formaziun da Rina inviëia a na proieziun fotografica, incö vëndres ai 9 d’otober dales 20:00, te salf dles uniuns da Rina. Walter Sottsas mostra sües fotografies de 6 Paisc dl’Africa: Maroco, Etiopia, Kenia, Tanzania, Uganda y Namibia. Al mostra ince süa belëza, le monn dl laur y les condiziuns de vita dla jënt dl post. Al vëgn da­mané na spënora lëdia, che jará ai »Südtiroler Ärzte für die Welt«.
10.10.
Trofeo Aiut Alpin Cup
Doman, sabeda ai 10 de otober la stazion de Socors da mont de la Val de sora endreza l Trofeo Aiut Alpin Cup II Memorial Gino Comelli de rampinèda sportiva ló da la palestra ADEL de Ciampel. L trofeo é resservà ai sozi so­­­co­ridores del Aiut Alpin. Da les 10:00 desmostrazion vies de califica e scomenz de la calificazion, da les 15:30 finèles e premiazions.
10.10.
Marcià Bio y local
La Lia per Natura y Usanzes nvieia al Marcià bio y local n sada ai 10 de utober dala 9:00 inant sun pitla plaza de Sant Antone a Urtijëi. N possa nce apusté craut scrijan a Eva: 333 1409019.
11.10.
130 de la Coprativa de Fascia
En domenia ai 11 de otober la Coprativa de Fascia festeja 130 egn. Per chesta ocajion vegn fat la marena con duc i sozi e domesdì da les 14:00 te tendon la festa é averta a duc con la musega de la band ‘The Others’, la sociazions, la fortaes e l spetacol di Cir­cen­sema.
17.10.
Simposie Top Wine
Sabeda 17 de otober ló dal Refuge Maria sun Sas Pordoi l é l Simposie Top Wine 2950 da les 10:00 a les 17:00 endrezà da la SITC con degustazions de vins e magnères.
17.10.
Cëna de chi dl 1976 dla Val Badia
En sabeda ai 17 d’otober él na cëna por i nasciüs y les nasciüdes dl 1976 dla Val Badia. An mët man dales 14:00 cun na mëssa te dlijia da San Martin, ciantada dal cor »CorUsc«. Dedô ván sö a Pe de Börz y spo a pe cina ala ütia Munt de Mür, olache al sará n aperitif y la cëna, cun intratignimënt musical de DJ Robby. Iscriziun paian ite 90,00€ sön le cunt IT56M 08010 58830 000404426100, don dant inom, cognom y paisc.
17. y 18.10.
La Val: marcé dl barat
La Cooperativa de comunité »Pares« da La Val mët a jí n marcé dl barat, te salf dles manifestaziuns a La Val. Le marcé é la sabeda ai 17.10. dales 9:00 ales 17:00 y la domënia ai 18 dales 9:00 ales 15:00. Por plü informaziuns sön la poscibilité da vëne o baraté, pón cherdé sö Kathrin al 349 3507357.
24.10.
Turnoi de Batadù da 64
La grupa di artejans n pension dl LVH mët a jì n batadù da 64 tl self de Chemun a S. Cri­stina, n sada ai 24 de uto­ber dala 14:00 inant. N possa se scrì ite l medem di dala 13:00 inant.

Sozial
Atualmënter
Family Support
L servisc Family Support pie­ta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n val­gun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l damandé. Per nfurmazions pòssen scrì a gher­deina@family-support.it
Atualmënter
Lia de sustëni tl duel y crisa
Lia de sustëni tl duel y crisa ti juda ala persona nstëssa y ala families te situazions de duel. L vën damandà na cuota anuela de 50 euro. Per nfur­ma­zions de sustëni pòssen tò su cuntat cun: Trauer- & Krisen­netzwerk Südtirol VFG – info@trauernetzwerk-sued tirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 320 7234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Segres y Festes
11.10.
Segra sa Sacun
La segra tradiziunela sa Sacun sarà n dumënia ai 11 de uto­ber. La Santa Mëssa sarà dala 09:00 tla dlieja da Sacun y daldò jiràla inant cun festa, mujiga y sambën nce da maië y da bever.
12.10.
Marcià de Segra Sacun
Coche da tradizion uniràl chëst ann inò a se l dé l marcià tradiziunel de Segra Sacun, n lunesc, ai 12.10. dala 8:00 inant tres dut l raion da jì a pe y sun la plazes de Urtijëi. L sarà nce plu lies che pieta da maië y da bever per se tré ite velch.

Teater
10.10.
A comedia con I Bontemponi
En sabeda ai 10 de otober da les 20:30 te teater de Poza I Bontemponi met dant la co­me­dia dal titol »Scomenzon con 10 corone« en ocajion di 130 egn de la Coprativa de Fascia.

Publizistica
15.10.
Educazion sessuela de mutons:ans
Tla biblioteca »Tresl Gruber« a S. Cristina vëniel metù a jì n lauratuere per genitores che à i mutons tl’età de scolina y scola, n juebia ai 15 de utober dala 19:30 nchin la 21:30. Referënta: Christa Plank.

Mujiga
11.10.
ALPS MOVE Festival a Urtijëi
Tl self Luis Trenker dla Cësa di Cungresc a Urtijëi saràl n dumënia ai 11 de utober dala 18:00 la reprejentazion coreo­grafica »Up Close«, n ucajion dl festival Alps Move. Chertes danora pòssen apusté sun la plata internet https://www.alpsmove.it

Referac
12.10.
Calfosch: Baiun de arpejun
Le Consëi de formaziun da Corvara inviëia al referat »Ar­pejun – testamënt y sozesciun ereditara«, en lönesc ai 12 d’otober dales 20:00, te Ciasa dles uniuns a Calfosch. Le re­ferënt av. Paul Maieron re­­spognará a domandes sciö­che: Ci é pa l’arpejun? Él por valch da scrí n testamënt? Ci sozedel pa sce i ne l’á nia scrit? Co scrii pa n testamënt?

Religion
13.10.
La mort, y spo pa?
Tla cornisc dla Edema dla Fede, inviëia la Unité Pastorala Val Badia al referat »Tod, und was dann? Hoffnungsbilder der katholischen Tradition« cun le professur de dogmatica tl seminar da Porsenú, dr. Christof Amor. La sëra é en mertesc ai 13 d’otober dales 20:00, tl salf dl Istitut Ladin a San Martin.
15.10.
Funziun y surandada de atestac
Tla cornisc dla Edema dla Fede tla Val Badia, él en jöbia ai 15 d’otober dales 20:00 a Oies na funziun, cun suran­dada di atestac a conduturs y conduturies de zelebraziuns dla Parora de Dî. La serada vëgn acompagnada da Ste­fan Huber.
16.10.
La mort tla ert
Tla cornisc dla Edema dla Fede, é düc inviá al referat »La morte e poi...?« cun l’esper­ta d’ert Danila Serafini. La sëra é en vëndres ai 16 d’oto­ber dales 20:00, tl salf dla Raiffei­sen a La Ila.
17.10.
Scolars y jonëza s’incunta
Tla Cornisc dla Edema dla Fede, vëgnel metü a jí en sa­beda ai 17 d’otober n domisdé olache scolars y jonëza s’in­cunta – sot al titul »give ho­pe – dá inant speranza«. L’apun­­­tamënt é dales 16:00 ales 21:00 tl Saj.un a La Ila.

Cursc
Uni mierculdi
Café dla rujenedes: nglëisc
Ntan l Café dla rujenedes tla biblioteca de San Durich a Urtijëi uniràl rujenà nglëisc cun Nicky y Jen. N se anconta for de mierculdi dai 14 de utober nchin ai 4 de nuvëmber, for dala 09:30. Na cunescënza de basa dla rujeneda ie bën­ududa.
Uni juebia
Ciaculon deberieda – per ladin
La Union di Ladins de Gher­dëina mët a jì la ancuntedes de »Ciaculon deberieda« per chi che scumëncia y chi che ulëssa miuré si ladin. N se anconta uni juebia dala 18:00 (ora che i dis de festa), tla bi­­blio­teca »Anda Malia da Cudan« tla Cësa di Ladins a Urtijëi. Unide nce Vo!
Mëns de utober
Café dla rujenedes: spanuel
Ntan l Café dla rujenedes tla biblioteca de San Durich a Urtijëi uniràl rujenà spa­­­nu­el cun Emilia: uni merdi dl mëns, ai 6, 13, 20 y 27 de uto­­ber, for dala 09:30. Na cunescënza de basa dla ru­jeneda ie bënududa.
12.10.
Curs de Ladin per prinzipianc
L Istitut Ladin Micurá de Rü mët a jì n curs de ladin per prin­zipianc n prejënza y on­line, cun la referënta Karin Comploj. L curs mët man ai 15 de utober y jirà inant de ndut 8 iedesc nchin ai 10 de dezëmber, for de juebia dala 18:00 nchin la 19:30, tl Istitut Ladin te Sëlva. Iscrizions nchin ai 12.10. cherdan su l 0471 79 42 68 o scrijan a fur­mazion.GH@micura.it. Priesc: 100,00€.
14.10.
Fé roba dëucia cun castanies
Pitla sala tla Cësa de Cultura de Sëlva vëniel metù a jì n curs per mparé a fé roba dëu­cia cun castanies, n mierculdi ai 14 de utober dala 14:00 nchin la 18:00. Referënta: Adri­ana Prinoth.
17.10.
Bocuns sagns, zënza zücher industrial
La Uniun dles Patrones dl C­omun da San Martin y le Con­sëi de formaziun da San Mar­tin mët a jí le curs »Ge­sunde Snacks, ohne Industrie­zucker«, cun Valentina Mo­ling. En sabeda ai 17 d’otober dales 9:00 ales 13:00, tla ciasa­dafüch dla refeziun a San Martin. Prenotaziuns pro Gaby al 389 0834252, anter i 9 d’otober.

Televijion
Atualmënter
Tg Ladin
Orars dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
13.10.
Sport Ladin
Dales 20:50 ca. Test y conzet Diego Clara, produziun Zak, a cura de Leo Senoner.
14.10.
Cuartet leterar Tv – Teresa Palfrader
Dales 20:50 ca. Test y conzet Rut Bernardi, produziun Fu­sa­go, a cura de Alessandro Dapunt.
15.10.
I ciavai de San Linert
Dales 20:50 ca. N program de Paolo Vinati, a cura de Alessandro Dapunt.

Sport
10.10.
Campiunat AHL: HC Gherdëina vs. EC-KAC Future Team
Tl stadio Pranives de Sëlva saràl ai 10 de utober dala 19:30 la partida dl campiunat AHL (Alps Hockey League) danter l HC Gherdëina y l EC-KAC Future Team.
10.10.
Campiunat IHL: HC Gherdëina vs. Valpellice
Tl stadio Pranives te Sëlva saràl ai 10 de utober dala 15:45 la partida de campiunat IHL. L HC Gherdëina jugherà contra l Valpellice.
15.10.
Campiunat AHL: HC Gherdëina vs. Wipptal Broncos
Tl stadio Pranives de Sël­va saràl ai 15 de utober dala 20:30 la partida dl campiunat AHL (Alps Hockey League) danter l HC Gherdëina y i Wipptal Broncos. Chertes: 14,00 €.

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia da­­les 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30; mercui ince dales 15:00 ales 17:00. Fora de chësc orar, vëgnel tut sö termins sön pre­notaziun. Contac: 0474 410 303 o info@frauenhelfen frauenbruneck.it
Atualmënter
Iniziativa di ëi de Puster
L’ofize dla MIP – Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tla str. Dante 2m a Bornech (Stern­hof) y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-puster tal.it
Atualmenter
Rencuron nosc teritorie
L’ApT de Fascia à endrezà i CleanUp Days. Fin ai 11 de otober se pel jir te un di ofizies di foresć a tor l kit e jir fora sui troes segné su la mapa a tor su i refudames che vegnarà porté te un di lesc de regoeta. Duc pel tor pèrt.
Atualmenter
Laboratorie de teater per gregn
Ai 12 de otober da les 20:30 al PalaDolomites de Ciampe­strin taca ite l laboratorie de teater per gregn endrezà da la regista Michela Marangoni. Per info e iscrizions: 348 004 3352.
09/11.10.
Festa del Rengraziament
L’Union di Ladins de Fascia endreza la Festa del Rengra­ziament. Anché, vender 9 de otober da les 17:00 te chino Marmolèda moment dedicà a chi che se dèsc ju per la cura di etres, litazions e conzert grop folk de Fascia de Il Penta­gramma. Domenia 11 da les 10:00 defilèda da piaz de Comun de Cianacei e da les 10:30 messa grana.
10.10.
Dis de nfurmazion: scola per la pesc Gaia
La Scola per la pesc Gaia nvieia a n domesdì de nfurma­zion n con’ de si scolina, ele­men­tera y mesana, n sada ai 10 de utober dala 15:00 nchin la 17:00 tl local »Saut« a Urtijëi. Duc i nteressei y dantaldut genitores de mutans y mutons tl età de scolina y scola nchin tla mesana ie de cuer nviei a scuté su! Per plu nfurmazions: 339 776 96 35.
10.10.
Sanità a 360 degrees
L assessorat al sozièl del Co­mun de Sèn Jan endreza na scon­trèda su la medejina com­ple­mentèra, en sabeda ai 10 de otober da les 20:30 te sala de Consei de Comun a Poza con l dotor Giuseppe Cristina, diretor de Medejina Comple­mentèra de Maran e l dotor Massimo Destro, dirigent de cures paliatives ASUIT de Trent.
12.10.
Sostëgn bunorí por families
Le Sostëgn bunorí por families é n sorvisc por geniturs che vëgn docá, geniturs susc y families cun mituns da 0 a 3 agn, che é te situaziuns de de­sfida. Esperc dl ciamp sa­nitar y sozial dá consëis y ciafa deboriada soluziuns adegua­des. Le proscim termin é en lönesc ai 12 d’otober dales 8:30 ales 11:30, tl’alzada a tera dl raiun soziosanitar. In­fos al 333 6203945 o mail fuehe.hilfen@bzgpust.it . Le sorvisc é debann, confidenzial y volontar.
12.–14.10.
Marcià di libri adurvei de Segra Sacun
La trëi biblioteches publiches de Gherdëina – San Durich, Tresl Gruber y O. v. Wolken­stein – mët inò a jì l marcià di libri adurvei de Segra Sacun, tla Cësa di Cungresc a Urtijëi. I libri unirà vendui a 1 € per liber. Orares: ai 12 de utober dala 8:00–18:00; ai 13 de utober dala 8:00–12:00 y dala 14:00–18:00; ai 14 de utober dala 8:00–12:00.
13.10.
Fiera de otober
En mèrtesc ai 13 de otober a Moena l é la Fiera da d’uton, da les 8 da doman fin domesdì se pel jir anter i banchi te Ra­­mon, Sotegrava, ju per l Vial e jun Navalge.
17.10.
Marcià dl adurvà
L VKE Gherdëina mët a ji nce chëst ann l »Marcià dl adurvà, ma mo da pudëi avëi«, n sada ai 17 de utober dala 09:00 nchin la 12:30, tla Cësa de Chemun a Santa Cristina. N possa dé ju la roba da vënder l di dant dala 17:00 nchin la 21:00. Chi che ulëssa vënder zeche muessa se desćiarië la lista aposta che n abina sot a https://tinyurl.com/55wruktn y che ie da dé ju dai 12 ai 16 de utober nchin la 11:00, man­dan na mail a info@njg.it
18.10.
Di dl barat dla Lia di Culeziunisć de Gherdëina
N dumënia ai 18 de utober dala 9:00 nchin la 13:00, tën la Lia di Culeziunisć de Gher­dëina si di dl barat per duc i nteressei tla Cësa di Cun­gresc a Urtijëi. Na bela ucajion per per se ancunté, se giamië ora y sambën per baraté d’uni sort de mar­ches, vedla chertes, munëides, chertes dal telefonn, y n. i..
27.10.
Scontrèda te Cèsa de Paussa
Tel chèder de la scontrèdes per la comunanza ‘Stèr apede 2026’ en mèrtesc ai 27 de otober da les 17:00 a les 18:30 te Cèsa de Paussa de Fascia l é l enconter dal titol ‘Semper online, semper più da soi’ con la psicologa Paola Maria Tau­fer. A la fin n picol marendel de la Coprativa Oltre.

Mostres y Ert
Atualmenter
Claus Soraperra en mostra a Trent
Tel Spazio Atelier Benigni, via Belenzani 51 a Trent, se pel veder la esposizion del artist Claus Soraperra dal titol »Del Seelengarte, ovvero l’Orto«. La é da poder veder fin ai 29 de otober dal mèrtesc al vender da les 16:00 a les 19:00 e de sabeda ti oraries 10:00-13:00 e 15:00-18:00.
Atualmenter
En recort de Daniel Zen
La clasc 5 LAF de la Scola La­dina, con i ensegnanc Ti­ziano Deflorian e Stefania Pederiva, à endrezà na mostra dal titol »Dal Spirituèl al Mate­rièl« en recort de Daniel Zen. La mostra vegn inaugurèda ai 12 de otober da les 17:00 tel liceo artistich e la resta fora fin ai 26 de otober.
Atualmënter
La lerch danterite
L artist de Urtijëi Hermann Josef Runggaldier mët ora tla Hofburg de Persenon. La mostra ie davierta ntan i orars de giaurida dl museum dla Hofburg de Persenon, uni di dala 10:00 ala 18:30, y ie da udëi nchin ai 15 de nuvëmber.
Atualmënter
Mostra »Spuren«
L Tublà da Nives te Sëlva nvi­eia de cuer a unì a ti cialé ala mostra »Spuren« de Lau­renz Stockner. La mostra resterà davierta nchin ai 11 de utober. Orares: uni di ora che l lunesc, 16:00 – 19:00. L artist sarà prejënt ai 11 de utober.
Atualmënter
La Berstot de Lenert
Dai 19 de setëmber nchin ai prim de nuvëmber iel da udëi tla sala dla mostres dla Cësa di Cugresc a Urtijëi la mostra che se dà ju cun la storia dla berstot dla familia Moroder Lenert y dantaldut cun l’opres di scultëures Rudolf Moroder Lenert (1877–1914) y Ludwig Moroder Mëune (1879–1953).
Atualmënter
Mostra dl Portal Ladin
Tla biblioteca ladina »Anda Malia da Cudan« tla Cësa di Ladins a Urtijëi iel metù ora nchin ai 17 de utober na mo­stra dl Portal Ladin. Orares de giaurida: dal lunesc al vënderdi dala 9-12 y dala 15-18, ai 13.10. domesdì dala 15-18 y dai 14.10 nchin ai 17.10 danmesdì dala 9-12.

Chino
Atualmenter
Al chino de Cianacei
Sabeda 10 de otober da les 20:30 l é l film »Le città di pia­­nura«, mercol 21 da les 20:00 l é »Giokino« jeghes da desch en compagnia di joegn de Dadoi.
Atualmenter
Al chino de Tieser
Insnet, vender 9 de otober da les 21:00 l é »Digger«, sebeda 10 da les 21:00 e domenia 11 da les 20:30 l é »Heart of the beast, nel profondo selvaggio«, domenia 11 da les 17:00 l é »Oceania« al cost de 5 euro, jebia 15 da les 21:00 per ‘Il piacere del cinema’ l é »Sunny dancer«. Info: www.cinema tesero.com

Iadi y Jites
Atualmënter
Iscrizions: viac cun l bastimënt sun la Donau
La Grupa KVW de S. Cristina mët a jì n viac sun la Donau cun n bastimënt »Bellejour«, dai 12 nchin ai 17 de auril 2027. La iscrizions vën bele tëutes su da śën inant nchin al plu tert ai 31 de utober 2026. Per plu nfurmazions y per se nuté su: Emmerich Se­noner, 335 57 13 575.
17.10.
Jita culturela tl Sudetendeutsches Museum
L Istitut Ladin Micurà de Rü mët a jì chësta jita culturela a Minca n sada ai 17 de utober. La curiera pëia via dala 6:00 da Plaza Nives te Sëlva y fërma damprò ora: dala 6:10 ta Iman a S. Cristina y dala 6:20 sun Plaza Sant Antone a Urtijëi. N sarà de reviers ntëur la 20:00. Iscrizions nchin ai 9 de utober cherdan su l numer 0471 79 4268 o scrijan a furma zion.gh@micura.it, scrijan leprò l inuem y cuinuem, l numer de telefonn y ulache n ulëssa senté ite tla curiera. Da paië iel 20 € a persona (te curiera).
29.11.-30.11.
Viac de doi dis a Salzburg
L Kvw de Sëlva mët a jì n viac a Salzburg al marcià da Na­del, al cunesciù »Salzburger Ad­vent­singen« y a ti cialé ala »Salz­welten« a Hallstatt. L ie bele śën mesun resservé l post cherdan su Rudolf al 335 638 0973. L priesc ie de 400€ per persona (per la majon singula 485€). I posć ie dant resservei ai cumëmbri dl Kvw y da dedò permò ai autri nteressei.