La Usc di Ladins

Religion
22.11.
Mëssa por chi dl 1946 dla Val Badia
En domënia ai 22 de novëm­ber, festa de Santa Zezilia y de Crist Re, vëgnel tigní dales 8:15 a La Val la mëssa da festa, che vëgn ince zelebrada por i nasciüs dl 1946 de döta la Val Badia. Düc é inviá da tó pert y dedô sté n pü’ debo­riada tl bar dl Hotel Pider.

Cursc
Uni juebia
Ciaculon deberieda – per ladin
La Union di Ladins de Gher­dëina mët a jì la ancuntedes de »Ciaculon deberieda« per chi che scumëncia y chi che ulëssa miuré si ladin. N se anconta uni juebia dala 18:00 (ora che i dis de festa), tla bi­­­b­lioteca »Anda Malia da Cudan« tla Cësa di Ladins a Urtijëi. Unide nce Vo!
20.11.
Curs de ultim aiüt a San Martin
Le Consëi de formaziun da San Martin mët a jí n curs de ultim aiüt, olache an im­para da socodí y ti sté dlungia tla dërta manira a porsones che é tl morí. Le curs é en vëndres ai 20 de novëmber dales 14:00 ales 18:00, tl salf dl Istitut Ladin a San Martin. Al é por ladin y debann y vëgn tigní da infermieres dla Val Badia, spezialisades te chësc setur. I posć é limitá, s’anunzié al 0474 586128 (dis da laur).

Teater
14. y 15.11.
Teater a San Martin: »Bunes festes«
La Uniun Teater da San Mar­tin inviëia ales ultimes ra­­pre­sentaziuns dl teater da rí »Bu­nes Festes« de Anthony Neil­­­son, che é da odëi tl salf dles uniuns a San Martin. Al vëgn ciamó porté dant indo­man sabeda ai 14.11. dales 20:00 y en domënia ai 15.11. dales 15:00. Prenota­ziuns al 0474 646030.
21.11.
A teater a Tieser
Taca ite la rassegna de teater de Fiem 2026/27. L prum apun­tament é en sabeda ai 21 de november da les 20:45 te teater de Tieser con l speta­col »Tutto da aggiustare« de Miche­la Andreozzi che porta n mo­no­logh ironich sul raport con se enstesc e noscia fragi­litèdes.

Temp Lede
14.11.
Amor per l gusté
L KVW Urtijëi nvieia a n lau­ratuere ntan chël che n cu­jinerà, anjinierà ca y se lascerà savëi bon n gusté/brunch cun Sofia y Birgit, n sada ai 14 de novëmber dala 9:00 nchin la 11:30 tla cësada­fuech dl local »Saut«. Priesc: 45€ per cumëmbri, 58€ per nia cumëmbri. Iscrizions nchin ai 31.10. tres Whatsapp da Julia al 349 5847413.
17.11.
Pitla urëdles, pitla stories
Tla biblioteca Oswald von Wolkenstein te Sëlva puderàn liejer y pastelné cun Sara, n merdi ai 17 de nuvëmber dala 14:30 inant.
18.11.
Lumi sënt l mond
L café Surëdl nvieia ala pre­jentazion dl liber per mu­tons de Sabrina Terzer, ai 18 de nuvëmber dala 15:00. I dessënies sarà metui ora nchin ai 23 de dezëmber.
29.11.
Al Plan: Quiz da ostaria
Le Consëi de formaziun d’Al Plan inviëia da tó pert al quiz da ostaria, che vëgn metü a jí en domënia ai 29.11. dales 16:00, tla ostaria Riposo al Bosco–Runcac. Le quiz é ponsé por scuadres. An pó se scrí ite fina ai 25.11. por mail a cdfmareo@gmail.com  Informaziuns ciafon pa Gustl al 335 1050216 (da sëra o por WhatsApp). Le cost é de 10,00 euro a porsona.

Televijiun
Atualmënter
Tg Ladin
Orars dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
17.11.
L Rifugio Nuvolao – storia de na utia da mont
Dales 20:50 ca. Test y conzet Giulia Tasser, produziun Kar­bonvideo, a cura de Alessan­dro Dapunt.
18.11.
Trail Spezial
Dales 20:50 ca. A cura dla redaziun ladina.
19.11.
DF – dut feminin
Dales 20:50 ca. Test y conzet Laura Moroder, produziun Media-art, a cura de Ales­sandro Dapunt.

Dotours
Dutor Gherdëina
L dutor de servisc dala 08:00 de n sada ai 14.11. nchin la 08:00 daduman de n lunesc ai 16.11. ie l dutor Giuliano Piccoliori de S. Cristina, tel. 0471 792282 o 348 3301004.
Dotur Val Badia
Tla fin dl’edema di 14 y 15 de novëmber sarál en sorvisc ti cin’ comuns dla Val Badia le dotur Guido Caretta, Cal­fosch, tel. 0471 836870 o 337 616080.

Apoteches
Apoteca Gherdëina
L‘apoteca che ie de servisc ora dl orar urdiner de giaurida, da n vënderdi ai 13.11. nchin n vënderdi ai 20.11. ie chëla de Sëuc, tel. 0471/708970 (orar de giaurida lu-ve 8:30-12:30/15:00-19:00, sada 8:30/ 12:30. Turnus: 9:00-12:00).
Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 13 de novëmber dales 19:00 al vëndres ai 20 de novëmber ales 19:00, é chëra da La Ila, tel. 0471 847 152.

Publizistica
13.11.
Sun la fusties de bera »Zenz da Four«
La Union di Ladins de Gher­dëina nvieia de cuer ala prejen­tazion dl liber »Sun la fusties de bera Zenz da Four«, scrit da Martina Rifesser, n vën­derdi ai 13 de nuvëmber dala 18:00 tl Circolo a Urtijëi. Dan­terite suneràl Hallveig Rúnarsdóttir (Islanda), Tanja Comploi (Urtijëi), Elisen Quartett (Germania).

Avisc
Atualmënter
Nadel te na scatula dai ciauzei
Nce chëst ann vëniel metù a ji l’azion per ti purté mpue de legrëza a mutons de paejes pueresc. N possa mplenì una o nce plu scatules cun de pitla scincundes, scrijan sun na eticheta sce l ie per n mut o na muta y per ciuna età: 2-4 ani, 5-9 ani o 10-14 ani. I pa­chetli vën tëuc ju nchin ai 16 de nuvëmber tla trëi biblio­teches de Gherdëina. Tla Val Badia puderàn dé ju i pachetli a La Ila pra Flatscher Alma, (Garni Ambria). Fajëde pea de trueps–l fej na gran legrëza!
Atualmenter
Burraco te biblioteca
L Assessorat a la cultura del Comun de Sèn Jan, en colabo­ra­zion con la Biblioteca, endre­za i domesdì de burraco, ogne jebia da les 15:00 a les 17:00. Vegn domanà de se scriver ite al nr de telefon 0462 763 062.
13.11.
Open Day a la Scola Ladina
Anché, vender 13 de november da les 14:00 a les 17:00 la Scola Ladina endreza l Open Day. I studenc e i ensegnanc fèsc cognoscer i licees artistich, linguistich e scientifich con si laboratories.
19/20.11.
Pinocchio te biblioteca
En jebia ai 19 de november da les 20:15 te biblioteca de Mo­ena vegn endrezà l labora­torie de letura condividuda dal titol »Pinocchio tra regole e libertà« e vender ai 20 da les 16:30 »Stories da veder, stories da scutèr«.

Mostres y Ert
Atualmënter
Mostra de Egon Rusina
L Tublà da Nives nvieia ala mostra di ultimi cater zitlus de lëur de Egon Rusina, che resta davierta nchin ai 29 de nuvëmber, uni di ora dl lunesc dala 15.00 ala 18.00.
Atualmënter
La lerch danterite
L artist de Urtijëi Hermann Josef Runggaldier mët ora tla Hofburg de Persenon. La mostra ie davierta ntan i orars de giaurida dl museum dla Hofburg de Persenon, uni di dala 10:00 ala 18:30, y ie da udëi nchin ai 15 de nuvëmber.
18.11.
Markús Vallazza
Tl self dla mostres tla Cësa di Cungresc a Urtijëi uniràl metù ora na mostra de Markús Vallazza che se dà ju cun si ani a Urtijëi, 1955–1975. La giau­rida sarà ai 18 de nuvëm­ber dala 18:00. La mostra sarà da udëi nchin ai 29 de nuvëmber dal merdi nchin al vënderdi dala 16:00–19:00 y de sada y dumënia nce dan­mesdi, dala 10:00–12:00. De lunesc iel stlut. La finissage sarà ai 29.11. dala 11:00.

Chino
Atualmenter
Al chino de Cianacei
Anché, vender ai 13 de novem­ber da les 15:00 l é l workshop con Ismaele Soraperra »L’as­sem­blaggio e interventi am­bien­tali«, sabeda 14 da les 17:00 vegn avert la mostra »Utia« e domenia 15 da les 16:00 l é l finissage con mu­sega e castagnes, mèrtesc 17 da les 20:00 l é i jeghes da desch con Dadoi.
Atualmenter
Al chino de Pardac
Doman, sabeda 14 de novem­ber e domenia 15 da les 17:00 l é »Il gatto col cappello« e da les 21:00 »The Faith Tour« de George Michael, vender 20 da les 21:00 l é l spetacol de Non solo danza dal titol »Eclissi«, sabeda 21 e domenia 22 da les 21:00 l é »Hunger games, l’alba sulla mietitura«.
06.–27.11
Literachino
Ntan l mëns de nuvëmber vëniel mustrà de biei films per tudësch y talian tla bilblio­teca de San Durich a Urtijëi. L proscim apuntamënt ie ai 13 de nuvëmber dala 20:00 y pona inant for de vënderdi dala medema ëura, ai 20 y 27 de nuvëmber. L prugram plu avisa ie da abiné te biblioteca.
14.11.
Chino per mutons
L VKE nvieia mutons y mu­tans dla scola elementera al chino per mutons: n sada ai 14 de nuvëmber dala 16:30 nchin la 18:00 tla sala de Che­mun a S. Cristina. L unirà mustrà »Der Räuber Hotzen­plotz«.

Mujiga
13.11.
Al Plan: conzert de Santa Zezilia
Le Cor de dlijia d’Al Plan inviëia bel al conzert de Santa Zezilia, incö vëndres ai 13 de novëmber dales 20:00, te dlijia d’Al Plan. Al gnará porté dant deplü cianties dai ritms afri­cans, imparades ite tla cornisc dl proiet »Stronger Together«, pro chël che le Cor y ince d’atres porsones de paisc á cianté para.
21.11.
San Martin: conzert de Santa Zezilia
En sabeda ai 21 de novëmber dales 17:00 él te dlijia da San Martin n conzert de Santa Ze­zilia, sot al tema: »Olache usc se unësc, pesc y speranza crësc«. Al sará da aldí n pro­gram desvalí, cun amesa ite val’ pinsier meditatif y de reflesciun. Al cianta le Cor de dlijia da San Martin, le cor de mitans »CorUsc« y le cor de mitans y mituns.
22.11.
Cunzert de Santa Zezilia dla Mujiga de Urtijëi
La Mujiga de Urtijëi nvieia al cunzert tradiziunel de Santa Zezilia, n dumënia ai 22.11. dala 17:00 te Cësa di Cungresc a Urtijëi.

Sport
19.11.
Campiunat AHL: HC Gherdëina vs. Rittner Buam SkyAlps
Tl stadio Pranives de Sëlva saràl ai 19 de nuvëmber dala 20:30 la partida dl campiunat AHL (Alps Hockey League) danter l HC Gherdëina y i Rittner Buam SkyAlps.

Sozial
13.11.
Deberieda: domesdì de juesc
La grupa Deberieda nvieia a n domesdì de juesc. N se an­conta ai 13 de nuvëmber dala 14:00 dan la Cësa de Paussa a Urtijëi. »Deberieda« ie na grupa che mët a jì ancun­tedes danter ulenteres y perso­nes che à problems psichics o de sozialisazion.
14.11.
Maiadives per nosta jënt che à debujën
N sada ai 14 de nuvëmber saràl – dan la buteiga Conad de Urtijëi y dan la Conad a S. Cristina – ulenteres che tu­lerà ju spëisa che i zitadins ulerà dé n dunfierta. N préia bel de cumpré cosses che se mantën, coche nudli, uel, tonno, riji y n. i. Duta la maia­dives jirà a bën dla jënt manco fertuneda de nosta val.
17.11.
Letura «Frauen (L)eben»
N ucajion dl di dla memoria contra la viulënza sun l’ëiles vëniel metù a jì na letura sce­nica, artistica y mujighela n con’ dl’ëiles, dla viulënza y dla vita da dedò, n merdi ai 17.11. dala 20:00 tla biblioteca de S. Durich a Urtijëi. Metù a jì y purtà dant dala peda­goghes de teater de PlatThea.

Referac
16. y 18.11.
Edemes de formaziun – ciamó 2 referac online
En lönesc ai 16.11. dales 20:00: »Burnoutprävention«; en mer­cui ai 18.11 dales 19:30 »AD­HD in età evolutiva e adulta: valutazione e tratta­mento«. I referac é online sön Zoom. Le link por tó pert cia­fon sön le sit www.jogn.org .
20.11.
Superé la plüra
La Portina por l’assistënza y cura mët a jí n referat por todësch cun le psicologh dot. Anton Huber sura: »Trauer­bewältigung und Trauerarbeit für Angehörige«. Ci me dëida pa superé la plüra y le dolur do la mort ne n familiar. Le referat vëgn tigní en vëndres ai 20 de novëmber dales 15:00, tla sënta dl Raiun Sozio-Sanitar a Picolin.