La Usc di Ladins

‘Il bambino con il pigiama a righe’ l é n roman del autor John Boyne e, enceben che l sie anter mia letures preferides, é volù spetèr jené per ve l meter dant, ajache sora n pech, ai 27 del meis, sarà l dì de la memoria. E sul tema del olocaust tropes l é i libres. Per mie cont, doi anter chi de più de efet l é apontin chi che ve é metù dant: l an passà ‘Se questo è un uomo’ de Primo Levi e chest an l roman de Boyne. 

Doi libres dassen desvalives, ma che i à la medema capazità de fèr entener chel che sozedea, chel che vel ne prejentèr ence l dì de la memoria. Na giornèda per se recordèr de no desmentièr chel che l é sozedù, per fèr scì che vèlch de medemo no sie più tel mond. Emben vardaron de se recordèr, ai 27, di ciampes de conzentrament, di ciamins che spudèa fora persones, di sudé che martorièa la jent desche lurier, de la ferates che partia pienes e vegnia de outa vetes. E di bec, regolé coi pigiames da risses. Emben vardaron de se recordèr, ai 27, dut chest, endèna che la vera (e la veres) va inant ogne dì e amò tropes se regola da sudé, e amò tropes, fazile, se regola coi pigiames da risses.

Podede lejer duta la rezenjion su La Usc stampèda de vender ai 20 de jené.  (Daniele Verra)