La Usc di Ladins

Bun de Roman, poste te presenté en cört?
Bun domisdé a düc, i sun Roman Bernardi da La Ila, maridé cun Elena de Badia y adöm unse dui mituns Lea y Lukas, che vá a scora y a scolina. Tl 2020 unse fabriché a Badia, olache i viun da dui agn. De laur feji l’eletrizist y i sun vizecomandant di Stöda­füch da La Ila.

T’aste godü chisc bi dis cialc da d’isté? Este jü sö por munt?
Ê, chisc beliscimi dis che é stá, ái veramënter ciaré da me gode deplëgn, suradöt la fin dl’edema por jí cun döta la familia sö por munt. Da munt sö de setëmber y otober me sál personalmënter ciamó plü bel co tratan i atri mëisc, deache an conësc fora sciöche düc i corusc se müda.

La scora á indô metü man, jôste ion a scora?
Canche al ê da jí a scora metôi man vigni ann cun na gran vöia. Jí a cumpré ci che an adorâ me savô dër bel y me dê motivaziun, spo tratan l’ann êl momënc olache ara me pesâ deplü. I ne podess nia dí che ara me mancia.
(Intervista de Lucia Piccolruaz)

De plu tla edizion stampeda de La Usc di Ladins o sun l e-paper a paiament www.lausc.it/e-paper