La Usc di Ladins

Dant de dut tel scomenz de chesta setemèna ve conte che anché l é la Luna ‘setembrina’ che 7 meisc la endoina. Chest vel dir che l temp meteo de chisc dis dintorn a anché la tradizion lunatola ensegna che l pronostichea chel che ruarà ti 7 meisc che vegn. Vedaron!
L é Luna neigra e con chest i pèi emponté te tera se ciola tanche se i fossa empetoné. Se la sent n muie forta e per chest se podessa stentèr a dormir. La va n muie ben per podèr la piantes veies e debilitèdes percheche l é la mior ocajion per les fèr renvegnir.
Ve recordède che la setemèna passèda ve aee scrit na rezeta fata de limon, lat, ai e cigola che didèa la tos? Embendapò la valiva rezeta fèsc ben ence per chi che stenta a dormir. Ve la recorde coran. Majenà fin 1 cigola biologica e schicià trei costes de ai tolan fora l such. Meteli dessema te na fana olache arede metù n liter de lat freit. Boì e canche arede fat lascià pussèr per 5 menuc da destudà. Spartì l lat dal spes e canche l é freit jontage l such de 3 limons. Mescedà su e tegnì te frigo ma duralo dutalpiù te 24 ores. Durèr chest tant i disc che deida a dormir polito ma ence la tos, l’ipertenjion e i mèi a la sciatica. (A cura de Gladia Debertol: gladialuna@yahoo.it)

De plu tla edizion stampeda de La Usc di Ladins o sun l e-paper a paiament www.lausc.it/e-paper