La Usc di Ladins

Magdalena, tan de ani es’a tu, da ulà ies’a y ce scola fejes’a?
Magdalena Mussner Ie é 18 ani, vënie da Sëlva y feje l ITE Raetia.

Ciuldì es’a cris ora de fé chësta scola?
Chësta scola pieta avisa la materies che me plej y la direzion te chëla che ie ue jì. Canche ove scumencià te chëi tëmps cun la scola, me savòvel nce bel che n pudova mparé rus, rujeneda scialdi de utl sce n ëssa da lauré cun l turism de valeda.
Y es’a tu for bele abù chësta pascion per l lëur tl turism? Da ulà vën pa chësta?
Ie son chersciuda su sun n luech da paur ulache fiton via y nce cun na utia sa mont ulache piton da maië y da bever. É for udù coche l vën laurà de chël viers da mi genitores y l me à for sapù bel a vester cun la jënt y rujené cun chësta. Per mé ie l lëur tl turism for stat la miëura opzion. (Ntervista de Julia Lardschneider)

De plu tla edizion stampeda de La Usc di Ladins o sun l e-paper a paiament www.lausc.it/e-paper