La Usc di Ladins

N lunesc ai 8 de jené iesen unii cherdei sun l purtoi de Ciampinëi, ulache n’ëila polaca se ova rot la giama. Deberieda cun l sucors sun pista ti àn fat la prima cures per julé pona limpea tl spedel de Persenon.
Ai 9 de jené à la zentrela cherdà l joler puech dan la 11 per n ntervënt sun la Mont de Sëuc: l ël de 57 ani tumà cun i schi ie unì stabilisà y pona menà cun l joler tl spedel de Persenon. Da mesa la doi pona mo n ntervënt sun Mont de Sëuc per n’ëila tumeda cun i schi. Do na valutazion dl dutor àn tëut la dezijion de la mené tl spedel de Persenon tl vacuum, pervia de n suspet de n trauma al os dla cuessa.
Domesdì iel mo stat n ntervënt sun Plan de Corones per n nzidënt cun i schi: l mut ie unì ciarià tl vacuum y menà tl spedel de Burnech.
Ai 10 de jené se à n mut fat dassënn mel a jì cun i schi a La Ila. L dutor l à vijità y l ie pona unì menà – deberieda a si pere – tl spedel de Burnech, da ulache n ie riesc julei inant de viers dl’Armentarola per n’ëila tumeda che se ova rot na sciabla; nce ëila àn menà a Burnech.
Ai 11 de jené à l sucors sun pista Col Alt de Corvara da­mandà do l joler per n ël che fova tumà y se ova rot l os dla giama. Do la prima cures l àn menà tl spedel de Burnech.
Riesc do iesen julei sun Col Raiser ulache doi fova fric adum cun i schi: un se ova fat mel al cë. L ie unì menà tl spedel de Bulsan.

De plu tla edizion stampeda de La Usc di Ladins o sun l e-paper a paiament www.lausc.it/e-paper