La Usc di Ladins

L é stat n temp canche duc i bec volea i schi de Devil o l casco de Sabo, i orecins de Cate, la steca de Besic o ence la maieta de Paco.

Ades nia più de dut chest, l nef idol l é Jannik Sinner. La Sinner mania é ruèda ence te Fascia. Dai fan, ai politics. Dai sportives ai amanc del canapé. Gregn e picoi. No se rejona auter che de Sinner: ti Consees de Comun, sui impianc portamont, te nodadoa, te auto, te vasca da bagn, te piaza. E l paisc olache la Sinner mania é amò più feruscola, endoinà colun che l é? Ben segur Moena! Chiò i à emprometù che i slariarà i ciampes da tennis, ma la neva maora del ultim menut la é amò più da marevea. Vegn dit che Moena à dezidù de renunziar al impiant portamont Moena-Valbona e che al post de la partenza del impiant perveduda te Navalge vegnarà fat de neves ciampes da tennis per permeter a duc de se sproèr con chest sport. 

De pù su La Usc stampèda de en vender ai 9 de firé.