La Usc di Ladins

Cinzia, peste te prejentar a nesc letores?
A mi me sà semper bel dir che son nasciuda sot le Torn del Vaiolet, sot Pra Repe proprio, ajache son da Pera. L fat de esser nasciuda sot le crepe caraterisea mingol chel che son, percheche me sente n muie leada a la natura, l sente vif daite de me e peisse de spes a dut che che la natura ne dasc. Da l’autra man me piasc ence viajar, jir stroz e me piasc pissar che l cher l é ló sot le Torn e Antermoa, e che posse l portar stroz olachemai me porta la vita.

Che percors de studies aste fat?
Gio é fat la Scola d’art te la pro­vinzia de Belun, percheche aló se studiaa ‘moda e costume’ e me saea n muie enteressant. Dapò son jita a Milan a l’Academia de Bele Art e é fat Art visive e dapò na spezialistica te ‘Visual Cultures e Pratiche Curatoriali’ olache se studiaa ence filosofia, antropolo­gia, giornalism, storia de l’art, art contemporana e auter. L é stat na gran esperienza: Milan l é na zità piena de ferment e gio ere duta ciapada da chest. Per me ogne moment e ogne post i cogn esser vivui de pien, te duc i aspec desvalives e vardan de far jir fora e vegnir ite valch da ogni post olache se é. (LG)

De plu tla edizion stampeda de La Usc di Ladins o sun l e-paper a paiament www.lausc.it/e-paper