La Usc di Ladins

Co volassade ve prejentar ai letores de La Usc?
Giö è inom Marcelin Chiocchetti del Cenchen, i me disc ence del Cici, perché mio pare l aeva inom Luigi e i ge dijeva Cici. Mia mare la era da Vich, de la familia Del­monego che vegniva ca da Fedom. Son nasciù a Moena, en te ciasa còme che i usava sti egn, còme duc miöi 12 fradié. L an che vegn fae 80 egn e ge è semper tegnù a rejonar ladin.

Che scole aede fat?
Dapò le popolare è fat l’alber­ghiera, l prim an sun mont ló dal Hotel Edelweiss, l secondo an del ‘62 son jit a Pieve Pelago, sul Apenin te la provinzia de Modena. L era doi scole col me­demo diretor, giö aeve 15 egn e è volù jir lontan. Aló è emparà todesch, franceje e ingleje. Dapò è fat 4 egn te gregn alberghi a Salice Terme, sul Lago Maggiore e te la Liguria, a Celle Ligure e Rapallo. Dapò i me à chiamà en Polizia: enlaoita fajeve saut e combinada coi schi e d’invern aeve fat domana. (LG)