La Usc di Ladins

Ai 23 de juni iel stat n ntervënt sun jëuf de Frea per n nzidënt: n motor y na roda fova fric adum. L’ëila se à fat scialdi mel y fova te cundizions grieves. N à lascià ora la duturëssa y i judacrëp pra luegia, ulache n ti à fat la prima cures ala pazienta. Do che la ie unida stabiliseda, iesen julei limpea tl spedel de Bulsan.
Domesdì iesen pona unic cher­dei sun la via fiereda Maximilian a Ciam­pedel, per n’ëila che se ova giapà n gran sass ju per l pe. L suspet fova chël de na ciavidla rota. La duturëssa à medià la pazienta, che n à pona trat su tl joler y menà tl spedel de Persenon.
Daldò à n’ambulanza menà adalerch tla sënta n’ëila che ne stajova nia bën. Do la prima cures àla pudù furné inant cun l’ambulanza nchin te spedel.

De plu tla edizion stampeda de La Usc di Ladins o sun l e-paper a paiament www.lausc.it/e-paper