Ai 6 de lugio iel stat n ntervënt pra n’ëila che ie tumeda cun la roda sun Mont de Sëuc. La se à fat dassënn mel al torax. Do la prima cures iesen julei limpea tl spedel de Bulsan.
Domesdì iel stat n ntervënt ulache n ël ie unì menà cun l’ambulanza tla sënta a Puntives davia che n ova suspetà che l ti ëssa dat l bòt. N l à menà cun l joler a Bulsan.
Mo n ntervënt fova tl tert domesdì per n mut che ie tumà cun la roda da downhill sun Jëuf de Frea. Do la prima terapia contra l mel da pert dl dutor, plu avisa la prima cures al brac dl melcapità, iesen julei te spedel de Persenon.
De plu tla edizion stampeda de La Usc di Ladins o sun l e-paper a paiament www.lausc.it/e-paper
