Gé son da Moena, clas 1970, son nasciù a Ciavales te na bela not de pievia. Me è diplomà a la Scola d’Art de Poza, dapò son jit a Unejia a far architetura urbanistica. Aló è tacà a laorar per la Bienala de Unejia e se à avert dut n mondo, son restà encantà a veder i alestimenc, i staff internazionai, i gregn artisć, coche laora i curadores de le mostre.
Da chiò él nasciù toa pascion per l’art contemporana?
Ei, aló son stat per mingol de egn e è descorì chesta mia gran pascion per l’art contemporana.
Aló él nasciù ence l projet Ufofabrik? Perché pa chest inom?
L projet l é nasciù canche laorave te Bienala. L ufo l é n oget che sgola no identificà, l é desche l’art contemporana, tropes no i la capisc, da chigiò vegn l inom: na fabrica de zeche che no capion ma de segur zeche de enteressant. (Intervista de Monica Cigolla)
De plu tla edizion stampeda de La Usc di Ladins o sun l e-paper a paiament www.lausc.it/e-paper
