Auter fin de setemèna de gares de schi per i Ragazzi e Allievi che en sabeda ai 15 e en domenia ai 16 de firé à garejà sun Sèn Pelegrin te doi SuperG endrezé da la Monti Pallidi per l zircuit B Sorelle Ramonda-Itas Mutua. I atlec de la sozietèdes fascènes se à fat gran onor sul portoi Cima Uomo se vadagnan i prumes posćde la classifica.
En sabeda anter i Ragazzi l’é la venta de Nicole Mattioli del FassActive e Federico Fontana de la Monti Pallidi e anter i Allievi l prum sciaier é jit a Asia Carpano del Ski Team Fascia e studenta del Ski College de la Scola Ladina de Fascia e a Roberto Cossa del US Primier.
Amò ence en domenia te la garejèda che aea valuta per l trofeo Familia Coprativa l’é endò stat la bela venta de Nicole Mattioli e de Federico Fontana anter i Ragazzi e anter i Allievi l’é l prum post de Asia Carpano de la eles, e anter i ic de Kristian Gabrielli del FassActive.
Recordon che anter i Allievi l’é ence n muie de studenc che fèsc pèrt del Ski College de Fascia e che chisc dis passé se à dassen metù al luster.
La classifiches con i piazamenc di atlec fascegn su La Usc stampèda de vender ai 21 de firé 2020. (mci)
I atlec fascegn al luster sun Sèn Pelegrin
En sabeda e en domenia passèda la Monti Pallidi à endrezà doi garejèdes de SuperG.
Galaria retrac
View the embedded image gallery online at:
https://www.lausc.it/sport/11999-i-atlec-fascegn-al-luster-sun-sen-pelegrin#sigProIdf2e2468f89
https://www.lausc.it/sport/11999-i-atlec-fascegn-al-luster-sun-sen-pelegrin#sigProIdf2e2468f89