Manfred Mölgg indó söi schi

Data

13 de agost 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’atlet d’Al Plan de Mareo á metü man i alenamënc tles nëis
"An vëgn indó zoruch", chësc le comënt de Manfred Mölgg posté ai pröms d’agost sön i socials. Manfred Mölgg á na gran vëia da s’alené danter i pa y fá gares, do so inzidënt de jená 2020.
La sajun nöia de Copa dl Monn metará man te dui mëisc, en chësc ann otedé dan la tradiziun: a Sölden ai 17 y 18 d’otober 2020. Chësc, por schivé la gran massa de jënt y tigní les restriziuns anti coronavirus.
A Sölden ne saral por les döes gares de Copa dl Monn degun publich aldefora dles delegaziuns dles scuadres, tecnics y jornalisć, y al ne gnará gnanca metü da jí manifestaziuns y festes. I fans ciarará les gares – n slalom lerch dles ëres la sabeda y n slalom lerch di ëi la domënia – dan la televijiun. Partënza por les prömes manches él dales 10:00, por les secundes dales 13:00/13:15.

Le gran schi tla Ladinia

Tl program dla Copa dl Monn de schi 2020/21 él da ciafé deplü tapes tles vals ladines: 16-19 dezëmber 2020 Gherdëina, 20-21 dezëmber 20020 Alta Badia, 26 de jená 2020 Al Plan de Mareo/Plan de Corones. Dai 8 ai 21 de forá 2021 él söl program i Mondiai a Cortina te Ampëz.  (Iaco Rigo)