Mauro Rasom... su l’Everest

Data

27 de setember 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’atlet fascian l’é l numer 28 anter i coridores taliegn a completèr l’Everesting Challenge

L’Everest l’é l mont più aut de noscia Tera con sies 8.848 metres. L se troa te l’Asia, te la cedena de l’Himalaya anter la Cina e l Nepal. No l’é chest l moment de viajèr, de ciapèr i ciuzé da corsa e jir fin tel Nepal per proèr a arjonjer l piz de l’Everest, ma l’atlet de Sèn Jan Mauro Rasom l se n’à pissà na neva e coscita… più o manco l’é ruà sunsom l’Everest.

L’atlet fascian l se à defat metù dant n’endesfida personèla, chela che vegn conscidrèda l’endesfida più senestra tel mond de la corsa su l’ert e che ciapa l’inom de Everesting Challenge. Se trata, a la fèr scempia, de corer su e ju per na erta, semper la medema, tanta outes che serf per arjonjer l dislivel positif de l’Everest (apontin positif, e donca se tegn cont demò de la salita, tant che en ju se podessa ence jir monté).

De più su La Usc 38 di 25 de setember

 (Daniele Verra)