La Usc di Ladins

Fin che l temp lascia e no vegn massa freit l’é bel fèr atività sportiva a l’averta e se goder en compagnìa. Ence chest an l Fascia Balon ge sporc l met ai bec nasciui ti egn 2013, 2014 e 2015 de jièr a balon con la Scola Calcio Raiffeisen. La lezions é jà tachèdes ite la setemèna passèda ma l’é amò vèlch post per chi che se aessa entardivà con la iscrizions.
Per i bec de la Val de Sora vegn fat alenament de mercol e de vender da les 17.00 a les 18.00 sul ciamp de balon de Cianacei. I alenadores l’é Antonio Planchensteiner e Alessandro Lastei.
Per i bec de la Val de Sot vegn fat alenament de mercol e de vender da les 14.45 a les 15.45 sul ciamp de Cotura a Sèn Jan. I alenadores l’é Mauro Vasselai, Marco Trottner, Floriano Trottner e Nik Trottner.
La scola de balon vegn fata ti meisc de uton e aisciuda per 8/10 alenamenc ogne sajon.
Per informazions e iscrizions se pel chiamèr l numer 0462 763502, manèr n messaje sul numer de WhatsApp 380 6571686 o na mail a info@fassacalcio.it.