La Usc di Ladins

Rua l prum pont per l Fascia de mister Cigolla de gra al 0 a 0 madurà en domenia contra l Perjen. 

En domenia no l é stat na gran endesfida sot l profil del jech con l Perjen che tegnia l balon zenza proar a meter en dificoltà la defendura fasciana. 

A mez del prum temp l é vegnù fora i fascegn che i à proà a far pontar via na azion de contrope ma zenza ejit positif. 

L’ocajion maora l é stat chela de Massimo Lorenz che, do na gran azion personala no l é stat bon de meter l balon junsom al sach. 

Te la seconda part de la endesfida i bec de mister Cigolla i rua dotrei oute te area aversaria ma zenza ruar al gol de la venta. 

Chesta outa no la é jita per ciapar i 3 ponc ma i jiadores fascegn proarà en domenia da mese le 4 tel derby de campionat contra la Dolomitica.

De più su La Usc stampèda de vender ai 17 de setember.  (Pierpaolo Rasom)