La Usc di Ladins

Do la longia paussa a cajon del Covid, che à portà a descancelèr la garejèdes de dut l zircuit via per l an passà, en domenia ai 3 de otober Poza ge à endò dat alberch a la competizions de moto da trial per endrez de la sociazion Rode a Motor.

La sociazion é vidèda da doi egn en ca da Stefano Cincelli de Jina, do che Lorenzo Pezzei de Mongo à lascià l temon tel setore di motores per se dedichèr demò a la rodes con l Trial Bike Dolomites. Ampò l veie president seghita a dèr na man, e defat ence en domenia l zenter de la competizion é stat endrezà tel piaz dedant a Mongo, vejin a la stazion a val de la Bufaure.

I volontadives fascegn à endrezà donca la 6^ tapa del Trofeo Asi 3T (Trofeo Trivenet Trial) e a Poza l é stat ence la premiazion de la classifica generèla vegnuda fora da la 6 garejèdes de Pietramurata, Perjen, Molina, Aldein, Welsberg e Poza, de gra ence al Trial Team Sudtirol che porta inant l endrez de dut l Trofeo.

De più su La Usc stampèda de vender ai 8 de otober.  (Lucia Gross)