La Usc di Ladins

En sabeda ai 9 de otober se à dejout la Ciok Vedeler. La cronoscalata é pontèda via da mesa les 3 domarena dal zenter sportif de Soraga coi atlec vertesc a corer per beleche 3 chilometres e mez, en su per 600 metres de dislivel con travert a Bait del Vedeler.
L ejit l é stat dassen bon, de gra al gran lurier de la sozietà sportiva 3Esse Soraga che à curà l endrez. N aiut, e per chest la sozietà à volù rengrazièr, l é ruà ence da man di Studafech, dal Socors alpin del zenter Fascia e da n bel numer de volontadives.
Più che 50 i coridores che à tout pèrt al event fascian. Anter la 7 scrites ite te la classifica de la eles l é stat Margit Zulian di Bogn da Nia a ruèr per pruma al travert te 31’36”. Sul podie con ela Giorgia Felicetti e Marta Vinante.

De più su La Usc stampèda de vender ai 15 de otober.  (Daniele Verra)