La Usc di Ladins

Fenesc l moment positif per l Fascia Balon che en domenia passada l à perdù per 2 a 1 contra la Garibaldina. La scomenza sobito mal per Deflorian e compagnes che do 5 menuc i va sot tel resultat de gra a na trata de ciaf che Colusso no l rua a ciapar. I fascegn no se peta ju e i proa a drezar l resultat con Gabriele Riz che de cianch da bona posizion l ciapa l defenjor. 

Te la seconda part de la endesfida part miec i fascegn che i cer te dute le maniere de drezar l resultat e do n cart de ora rua l gol del 2 a 1 con Deville, che do n gran assist de Matteo Lorenz l rua dedant l portier ghest e no l fala. 

I fascegn proarà endò a venjer contra l Piné a Bedol en domenia ai 24 de otober da mese le 4 domesdì.

De più su la partida e ence i resultac de la squadres mendres e la classifica, é da poder veder su La Usc stampèda de vender ai 22 de otober.  (Pierpaolo Rasom)