Ai 19 de dezëmber á les Ice Angels tut pert ala 2a gara de campionat nazional de jadiné sincronisé a Trënt, acompagnades da les alenadësses Monica Bernard y Caterina Nemela.
Pro les Ice Angels jadinëia 12 atletes dl Ice Club Alta Badia: Vanessa Campei, Sara Dapunt, Ilenia Deiaco, Gaia Gasser, Nora Kostner, Julia Niederkofler, Nives Pizzinini, Marie Rainer, Julia Stufflesser, Emma Valentin, Nicole Valentin y Elena Zona. Ares á jadiné tla categoria Basic Novice, se confrontan cun d’atres 6 scuadres talianes. En chësc iade él ince jü para les Mini Ice Angels, che é tl imparé chësta bela disciplina dl jadiné. Les mitans á sostigní sües compagnes plü granes y tl medemo tëmp áres podü ciaré pro y se fá insciö na idea de na esperiënza de competiziun te na scuadra.
Les Ice Angels á indô porté dant so program söles notes de Charlie Chaplin. Ares á jadiné cun segurëza mioran süa prestaziun de bëgn 5 punc respet al’ultima gara. Chësc ti á pormetü da arjunje n buniscim 3.post. Dessigü na gran sodesfaziun por les atletes y les alenadësses.
Les proscim apuntamënt por les Ice Angels sará ai 23 de jená a Chiavenna. (Elena Giuliano, por l’Ice Club Alta Badia)
Brom por les „Ice Angels“
N terzo post por le jadiné sincronisé dl Ice Club Alta Badia, tla secunda gara de campionat nazional a Trënt
Galaria retrac
View the embedded image gallery online at:
https://www.lausc.it/sport/18225-brom-por-les-ice-angels#sigProIde40b05e485
https://www.lausc.it/sport/18225-brom-por-les-ice-angels#sigProIde40b05e485