La Usc di Ladins

Tratan i dui dis de gares, stá la ultima findledema a Corvara sön la pista de Col Alt, se á mosoré la sabeda i Aliefs y la domënia spo i Jonins. Pröm post en sabeda por Rita Granruaz, che á batü por 27 centejimi Hannah Feichter (Taisten Raiffe), rovada 2. y Nadine Trockner (Seiser Alm) che s'á plazé al terzo post. 5. post Annika Rose Johansson dl ST Alta Badia. Al 13. post s'á plazé Lisa Mahlknecht dl Schi Club Gherdëina. Tla categoria maschila á davagné Alex Silbernagl (Seiser Alm), secundo Alois Koellemann Baldini (ASV Vintschgau) y terzo Maximilian Wolfsgruber (SC Plan de Corones). Pröm ladin é David Thaler (ST Alta Badia), che s'á plazé al 9. post, David Castlunger é rové 10. René Linder dl SC Gherdëina s'á plazé al 13. post.

Brom por Giacomo
Le de do s'á spo desfiré la gara di Jonins. Medaia d'arjënt por Giacomo Ploner, batü da David Angerer (Seiser Alm) che é rové 1. y da Mattia Chiericato (SC Plan de Corones), rové 2. Cuarto post por Luca Dal Pont. Ala gara á ince tut pert deplü atlec dl SC Gherdëina: Luisi Plancker é rové 9., Manuel Senoner 11. y Matthias Mahlknecht 13. Les ladines che é stades plü asveltes é les döes gherdënes Arianna Putzer y Vanessa Linder che s'á plazé al 4. y 5. post. Nives Runggaldier é rovada 15.  (kp)