La Usc di Ladins

Da passa n ann y mez soga la scuadra de palé U9 dl'US Alta Badia zënza perde. Cun chësc record ái davagné iniann le campionat VSS a trëi partides dala fin. La categoria U9 é chëra di mëndri. Ince la scuadra U8 tol bele pert a partides, mo iló n'él ciamó degöna classifica. Tl comprensore dla Val de Puster á i sogadus dl'U9 soghé tla classa de mirit plü alta, davagnan zënza perde na partida, cun döt ma davëntes y döes partides parejades. Cun chësc bun resultat se ái insciö  mirité da podëi se mosoré a livel provinzial. Ai 2 de jügn tolarai pert ai cherc de finala che gnará sogá a Kaltern. Chiló afrontarái döes scuadres: la secunda classificada dl comprensore dl Isarch y la terza classificada dl comprensore Balsan/Adesc Alt.
A soghé a livel provinzial êl cina sëgn ma ma rové döes scuadres joniles dla Val Badia: danter le 2004 y le 2006 â davagné dui agn indolater la scuadra U15 dl'Alta Badia y dl 2011-12 â davagné la scuadra U15 dla Val Badia.

Deplü podëise lí tla ediziun stampada d'La Usc che vëgn fora indoman, vëndres ai 13 de ma.   (kp)