La Usc di Ladins

Le torné á metü man dales 14:00 cun na picia partida danter döes scuadres de mituns. Dales 14:30 él spo les gran scuadres che á metü man da soghé. Les uniuns che á tut pert é: i Jogn da San Martin, l’Uniun dl Sport da San Martin, i Stödafüch da San Martin, i Stödafüch jogn da San Martin y l’Uniun dl Sport da Antermëia.
La pröma partida é gnüda sogada danter i Jogn da San Martin y i Stödafüch jogn da San Martin. La miú á albü i Jogn, che se l’á fata avarëi por 4 a 2. Ala fin él sté i Jogn da San Martin che á ince davagné le torné cun 10 punc, meton al sigü trëi devëntes y n resultat de parité. Secundi é gnüs cun 8 punc i sogadus dla Uniun dl Sport da Antermëia; terzi i Stödafüch jogn da San Martin cun 6 punc. (jg)

Deplü ciafëise t’La Usc di Ladins di 2 de setëmber, olache i podëis ince lí co che les partides singoles é jüdes fora.