La Usc di Ladins

La UMTB Mont-Blanc, garejèda de corsa da mont de livel internazionèl anter la reines de chesta disciplina, é jita en scena dai 22 ai 28 de aost con una de la edizions de  maor emozion. Pontèda via da Chamonix en vender ai 26 de aost, la garejèda da 170 chilometres con passa 10 mile metres de deslivel positif era dassen per cheres forc. Per la proa reina no podea che esser un di rees de chest sport a se vadagnèr la venta, e defat l é stat Kilian Jornet a despassèr i problemes fisics di ultimes tempes leé al Covid e venjer la gara col temp record de 19h49’30”. 
Apede a la corsa da 170 chilometres, la longia manifestazion pervedea ence garejèdes più curtes. L era per ejempie la formula da 145 chilometres, chela da 100 o ence de più curtes. L atlet fascian Mauro Rasom à cernù la CCC, donca chela di 100 chilometres con 6.100 metres de deslivel positif, completèda ence da etres 1726 coridores e arbandonèda enveze da 386 atlec. Chesta proa pervedea la partenza a Courmayeur e l é da aló che Rasom à scomenzà sia fadia da les 9 dadoman en vender ai 26 de aost.

De più su La Usc stampèda de vender ai 2 de setember.  (Daniele Verra)