La Usc di Ladins

Scomenza dalvers l nef campionat per l Fascia Balon, che l bat l’Audace de Caldonazzo per 3 a 1. 

Part miec i ghesć che ti prumes menuc i met sot i joegn fascegn, che i stenta a jiar. Do 10 menuc rua la pruma ocajion per i jiadores de l’Audace che i ciapa l remenat aut con na trata dai 16 metres. 

A diesc menuc da la fin del prum temp rua l prum gol fascian con Samuele Ruggiero che met tel set na trata da cet dai 25 metres. 

L secondo temp de la endesfida scomenza miec per i bec de president Ghetta che i é bogn de jiar miec e de se far valer, ence de gra al calo fisich di aversaries. Do 20 menuc dal scomenz de la seconda part de la partida rua l secondo gol fascian, semper con Samuele Ruggiero che l met l balon junsom al sach do na bela trata dal cianton de l’area de rigor.

De più su La Usc stampèda de vender ai 9 de setember.  (Pierpaolo Rasom)