La Usc di Ladins

Le rode d’altonn dla terza categoria amatoriala é jü a piz chësta fin dl’edema passada. La maiú ligrëza podess avëi la scuadra dl ACD Val Badia, che aspetâ bele dî do la saú di trëi punc. Chisc ti é garatá en sabeda sön le ciamp dl Prettau, olache l’ACD á metü a saul la devënta por 0 a 3 cun na tripleta tl secundo tëmp.
Manco bun ti éra jüda ala scuadra da La Val, che á soghé bele en vëndres cuntra Gitschberg Jochtal. Les döes scuadres é stades en parité feter cina inultima. Al 89^ s’á La Val baldi ciamó ciafé le gol dla pordüda.
Partida assuiada y emozionanta por le Mareo tla secunda categoria. En domënia domisdé á i marôi soghé sön le ciamp de ciasa cuntra Tasten/Valsperch/Braies. La partida é jüda a piz cun le resultat de 2 a 2, cun n gol por pert y n autogol por pert. Por le Mareo n’é le rode d’altonn nia ciamó rové. Sön le calënder él ciamó da soghé döes partides.

Les croniches plü menüdes dles partides ciafarëise t’La Usc di Ladins di 4 de novëmber   (pablo)